“Нью-Жерси” – “Майами” – 78:101 (18:29, 24:29, 19:27, 17:16)

Их гурвал өнөөдөр сайн ажиллаж ЛеБрон 20 оноо, Бош 18, Уэйд 17 оноо авснаар өөрсдийн гурав дахь дараалсан ялалтаа авч Нетсийн хоёр дараалсан ялалтыг зогсоолоо.

Майамигийн шинэ эринг Бостонд ялагдаж эхлүүлснээс хойш гурав дараалж ялаад буй нь энэ бөгөөд өнөөдөр тэдний хувьд хамгийн сайн тоглосон тоглолт нь болсон гэхэд хилсдэхгүй. Эхний хагаст Майами 68 хувийн амжилттай довтолж, Их гурвал 41 оноог нийлээд авсан нь Нью Жерсигийн нийт онооноос 1-ээр дутуу байлаа.

Энэ тоглолтыг Нью Жерсигийн шинэ эзэн Михаил Прохоров, Английн Челси багийн эзэн Роман Абрамовичийн хамт үзэж сонирхжээ.

Өнгөрсөн жил үзэгчдийн тоогоор лигтээ адагт бичигдсэн Нью Жерсигийн тоглолтыг үзэхээр 17,086 үзэгч чуулсан байна.

“Оклахома-Сити” – “Юта” – 99:120 (23:27, 17:29, 34:35, 25:29)

Сүүлийн 31 жилийн хамгийн муу гараагаа хийгээд байсан Юта өнөөдөр Оклахома Ситиг 120-99-өөр хожиж анхны хожлоо авлаа. Пол Миллсап 30 оноо, 16 самбар, Дерон Уильямс 16 оноо, 15 дамжуулалт гүйцэтгэжээ. Түүнчлэн Ютагийн шинэ цэрэг Эль Жефферсон шинэ багтаа анхны дабл дабл хийсэн юм.

Оклахомаг Кевин Дюрант 28, Рассел Уэстбрук 22 оноогоор тэргүүлжээ.

“Лейкерс” – Голден Стэйт – 107:83 (34:14, 22:24, 25:26, 26:19)

По Газоль 26 оноо, 12 самбараас авалт, Коби 20 оноо авснаар Лейкерс ялагдаагүй хэвээр байна. Харин сүүлийн 16 жилд анх удаа хоёр дараалан ялж улирлыг эхлүүлсэн Голден Стейт анхны ялагдлаа хүлээлээ.

Лос Анжелес өөрийн нэг мужийн өрсөлдөгч Голден Стейтийг 10 дараалан хожиж байгаа нь энэ гэнэ. Өнөөдрийн тоглолтонд Голден Стейтийн мэргэн бууч Стефен Карри шагайны гэмтлийн улмаас тоглоогүй юм.

“Клипперс” – “Даллас” – 83:99 (23:27, 24:22, 19:29, 17:21)

Жейсон Кидд эхний хагасын цаг дуусах мөчтэй зэрэгцэн эсрэг талын гурвын зайнаас бөмбөгийг оруулж Даллас эхний хагасыг давамгайлж дууссан. Кэрон Батлер 17 оноо, Шон Мэрион өөрийн авсан 12 онооны 10-г нь 4-р үед авснаар Даллас хожлоо.

Энэ тоглолт нь Далласын энэ улирлын анхны аялан тоглолт байсан билээ. Тэд өнгөрсөн улиралд айлын талбайд хамгийн олон ялсан баг болсон юм. Дирк Новицки 16 оноо, 7 самбар, Жейсон Кидд 13 оноо, 9 самбар, 7 дамжуулалтаар багтаа туслав.

“Шинэ тоглогч” Блейк Гриффин 16 оноо, 9 самбараас авалт гүйцэтгэж багаа тэргүүлсэн хэдий ч шидсэн эхний 16шидэлтийнхээ 14-г нь алджээ. Клипперс Сүнсний баяраар тоглосон сүүлийн долоон тоглолтондоо ялагдаж байсан гэнэ.

Шинэ дасгалжуулагч Винни дель Негро ажлаа гурав дараалсан ялагдлаар эхлүүлж байна.