Гарет Бэйл Интерийн эсрэг чадах бүхнээ хийхэд бэлэн гэдгээ хэлжээ. Сан Сирод болсон эхний тоглолтонд Уэльс тоглогч хет-трик хийсэн ч баг нь оноо авч чадаагүй. Харин энэ удаа Бэйл баг нь талбайдаа бүтэн оноо авна гэдэгт итгэлтэй байна. Тэрээр
”Сүүлийн хэдэн жил бид Тоттенхэмийн талбайг бусад багуудын эмээдэг газар болгосон. Интерийг ч бас тийм сэтгэгдэлтэй буцаасай гэж хүсэж байна. Бид өмнөх тоглолтоос маш их урам зоригийг авсан. Энэ удаагийн тоглолтыг бид өмнөх шигээ тааруухан эхлүүлэхгүй, бас 11-үүлээ дуусганa гэж найдаж байна”  гэжээ. Харри Реднапп ч залуу тоглогчоо магтсан ярилцлага өгсөн. ”Тэрэнд сайжрах цаг хангалттай байна. Биеийн хүчний тоглолт сайтай, хүчирхэг, бүх өдөржин гүйж чадах эрч хүчтэй гээд шилдэг тамирчинд байх бүх чанар түүнд бий.
Бэйлд амралт хэрэгтэй байсан учраас өнгөрсөн долоо хоногт би түүнийг хэд хоног амраасан. Надад буруу өгөх хэрэггүй. Яагаад гэвэл энэ бүхэн тусаа өгөх болно.
Интер бүх л топ багуудын үзүүлдэг шиг эсэргүүцлийг үзүүлэх болно. Тэдэнд сайн тоглогчид бий. Гэхдээ би ч дутахгүй” гэжээ.
Тоглолт өнөө шөнө 03.45 минутаас эхэлнэ.