Лхагва гаригт Шахтёртой хийх тоглолтод Арсеналын ахлагч Ческ Фабрегас оролцохгүй гэнэ. Фабре премьер лигийн Уэст Хэмтэй хийсэн тоглолтонд шөрмөсөө бэртээсэн боловч сэлгээнд суулгүй тоглолтыг дуусгасан. Алекс Сонгийн оруулсан гоолын ачаар буучид тэр тоглолтоос 3 оноо авсан билээ.  Харин тоглолтын дараа хийсэн шинжилгээгээр түүний бэртэл бага зэрэг хүнд байгаа учир Аваргуудын лигийг өнжүүлэхээр болжээ. Буучид одоогоор хэсэгтээ 3 хожилтой тэргүүлж байгаа юм. Арсене Венгер ”Бид эрсдэл хийж чадахгүй. Яагаад гэвэл тэр өмнө нь олон удаа бэртэж байсан.  Тийм болохоор энэ удаа амраасан нь дээр байх. Гэхдээ премьер лигийн ирэх (Ньюкэсл) тоглолтод бол оролцох байх” гэжээ. Мөн тэрээр Андрэй Аршавин, Сонг, Денилсон нарыг асуудалтай байгаа гэсэн. Гэхдээ эдгээр тоглогчид Украйн луу явах бүрэлдэхүүнд багтсан билээ.