Барса энэ тойрогт ялалт авбал хасагдах шатанд үлдэх болзлоо хангах байсан. Гэвч Данийн Копенгаген тэдний замд саад боллоо. 31 дэх минутад Месси гоолдож бүх зүйл ном журмаараа явж байлаа. Гэвч энэ гоолоос ганц минутын дараа Клаудемир гоолдож тооны харьцааг тэнцүүлсэн юм. Тоглолтын цаг дуусахын өмнөхөн Педро багтаа ялалт авчирч болох байсан ч түүний цохилт хаалганы хөндлөвч оносон.

Үүнээс өмнө Давид Вилья, Клаудемир нар тус бүр нэг удаа шон оносон. 18  дахь минутад Андрес Иньестагийн гайхалтай дамжуулалтыг Вилья гоол болгох дөхсөн ч шон саад болсон. Улмаар 28 дахь минутад Чавигийн чөлөөт цохилтыг Серхио Бускетс мөргөсөн ч эсрэг багийн хаалгач Юхан Виланд үүргээ амжилттай биелүүлсэн. Гэхдээ үүнээс 3 минутын дараа Виланд Мессигийн довтолгоог зогсоож чадсангүй.

Вилья руу ирсэн дамжуулалтыг Копенгагений хамгаалагчид холдуулсан ч Месси бөмбөгийг хүлээн авч баруун хөлөөрөө хаалганд оруулсан. Энэхүү гоол нь Мессигийн Аваргуудын лигт оруулсан 30 дахь гоол болж байна. Мөн шинэ улирал эхлээд бүх тэмцээнд 15 дахь гоолоо тэр орууллаа.

Гэвч Каталоны баг баяраа тэмдэглэж дуусаагүй байхад шахам талбайн эзэд тоог тэнцүүлсэн. Йеспер Гронкьяерын хөндлөн дамжуулалтыг Валдес хатгаж хаалганаасаа холдуулсан ч Клаудемир ойж ирсэн бөмбөгийг агаар дээр нь алсын буланд цохиж гоолдсон. 74 дэх минутад  Даме Ндойе баруун жигүүрээс ирсэн дамжуулалтыг мөргөж гоолдсон. Гэвч тэрээр  Виктор Вальдестай мөргөлдөж дүрмийн бус тоглолт хийсэн учраас гоолыг нь тооцоогүй.  80 дахь минутад Пеп энэ тоглолтын цорын ганц сэлгээгээ хийж Педрог Вильягийн оронд орууллаа. Педрод цаг дуусах мөчид Барсагийн баатар болох боломж байсан ч түүний цохилт шон оносон юм.

Копенгаген. Стадион “Паркен”. Шүүгч- Павел Балай (Румын).
КОПЕНГАГЕН – БАРСЕЛОНА – 1:1 (1:1)
Месси, 31 (0:1), Клаудемир, 32 (1:1).
Копенгаген	Барселона
Юхан Виланд	Виктор Вальдес
Зденек Поспех	Даниэл Алвеш
Матиас Йоргенсен	Карлес Пуйоль
Микаэль Антонссон	Херард Пике
Оскар Вендт	Эрик Абидаль
Кристиан Боланьос (90+2)	Серхио Бускетс
Вильям Квист	Хави
Клаудемир	Сейду Кейта
Мартин Вингорд (90)	Давид Вилья (80)
Йеспер Гронкьяер	Андрес Иньеста
Даме Ндойе	Лионель Месси
Сэлгээ
Сольви Оттесен, 90	Педро Родригес, 80
Томас Делэни, 90+2
Шар хуудас
Зденек Поспех, 89	Серхио Бускетс, 50

Nong | Myspace Video

FC Copenhagen 1 – 1 Barcelona [matchhighlight.com]

Рубин, Панатинайкос багууд гоолгүй тэнцэж оноо хуваалаа. Хэн хэндээ хэрэггүй энэ тэнцээнээс болж тэд хэсгийн тэргүүлэгчдийг гүйцэхэд хүнд болж ирлээ.

D Хэсэг

N	Баг	Т/Т	Х	Т	Хж	+/-	О
1	БАРСЕЛОНА	4	2	2	0	9-3	8
2	КОПЕНГАГЕН	4	2	1	1	4-3	7
3	РУБИН	4	0	3	1	1-2	3
4	ПАНАТИНАИКОС	4	0	2	2	1-7	2