“Вашингтон” – “Филадельфи” – 116:115 ОТ (27:28, 23:20, 22:18, 34:40, 10:9)

В: Уолл (29 + 13 дамжуулалт + 9 бөмбөг таслалт+ 8 бөмбөг алдалт), Блэтч (23 + 8 самбар+ 6 бөмбөг алдалт), Н. Янг (20), Эл Торнтон (12), И Жяньлянь (9), Хайнрич (8 + 9 дамжуулалт).

Ф: Луи Уильямс (30), Брэнд (21 + 9 самбар), Холидэй (14 + 13 дамжуулалт+ 6 бөмбөг алдалт), Игуодала (12 + 9 дамжуулалт), Тернер (9).

Драфтын тэргүүн Жон Уолл НБА-ийн талбай дээрээ тоглосон анхны тоглолтдоо 29 оноо, 13 оновчтой дамжуулалт, 9 бөмбөг таслалт, 8 бөмбөг алдалт хийж эсрэг багийн драфтын од Эван Тернерийг хожлоо.

Вашингтон Визардс анхны хожлоо авсан бол Филадельфи хожил авч хараахан амжаагүй байна. Тоглолтын үндсэн цаг дуусах мөчтэй зэрэгцэн Уоллын оновчтой дамжуулалтаар Картиер Мартин холын зайнаас шидэж тоог тэнцүүлж нэмэлт цагт хэн нь хожихоо шийдэх болжээ.

Драфтын хоёр дахь сонголт Төрнер нөөцөөс тоглолтонд оролцож хоёрдугаар хагасыг хүртэл талбайд бараг гараагүй. Өөрийн авсан бүх 9 оноогоо дөрөвдүгээр үед тэр авсан. 76-чууд 2001-02 улирлаас хойш анх удаа 0-4 амжилттай улирлыг эхлүүлж байна.

Луи Уильямс өнөөдөр 30 оноо авч багаа тэргүүлжээ. Түүний карьерийн дээд оноо нь 31 юм.

“Кливленд” – “Атланта” – 88:100 (27:40, 20:19, 26:15, 15:26)

К: Хиксон (31 + 5 бөмбөг алдалт), Мо Уильямс (12), Э. Паркер (10), Холлинс (8), Варежао (2 + 12 самбар).

А: Марв. Уильямс (22), Хорфорд (16 + 12самбар ), Жам. Кроуфорд (16),Жо Жонсон (15 + 9 дамжуулалт), Бибби (15),Ж ош Смит (6 + 11 самбар+ 5 блок-шот).

Марвин Уильямс 22 оноо, Эль Хорфорд 16 оноо, 12 самбараас авч Атланта Хаукс баг хожсоноор Дорнод конференцэд хожигдоогүй ганц баг болж үлдлээ. Тэд дөрөв дараалан ялаад байгаа юм.

Атланта баг Кливлендэд зургаа дараалан хожигдоод байсан юм. Энэ удаа ЛеБронгүй Кливлендийг хожиж энэ цувралаа зогсоолоо.

Улирлыг тун сайн эхлүүлж байгаа Жей.Жей.Хиксон 31 оноо авч хувийн дээд амжилтаа тогтоосон бол Мо Уильямс 23 оноо авчээ.

“Детройт” – “Бостон” – 86:109 (26:31, 18:26, 24:31, 18:21)

Д: Виллануэва (17 + 7 самбар), Дэй (16), Стаки (15), Б. Гордон (14), Принс (10), Б. Уоллес (6 + 8 самбар), Монро (0 + 10 самбар).

Б: Гарнетт (22), Пирс (21), Р. Аллен (16), Ж. О’Нил (12), Г. Дэвис (10), Рондо (9 + 17 дамжуулалт).

Рондогийн гайхамшиг үргэлжилсээр. Тэр өнөөдөр 9 оноо, 17 дамжуулалт хийж, Бостон ээлжит ялалтаа Детройтоор авав.

Өнөөдрийн тоглолтонд Шак өвдөгний гэмтлийн улмаас тоглоогүй бөгөөд Кевин Гарнетт 22, Пол Пирс 21 оноо авч зовох юмгүй ялжээ. Детройт өнөөдөр хожигдсоноор 0-4 болж байгаа бөгөөд 1999 оноос хойш анх удаа ийм тааруу улирлыг эхлүүлж байгаа юм.

Детройтоос ганц гялтайх нь Чарли Вилланева байсан бөгөөд 17 оноог авсан. Ричард Хэмилтон баруун хөлний гэмтлийн улмаас тоглолтыг өнжжээ.

Өнгөрсөн хагас сайны өглөө 24 дамжуулалттай гайхалтай трипл дабл хийсэн Рондо улирлын эхний дөрвөн тоглолтондоо нийт 67 оновчтой дамжуулалт хийгээд байна.

“Майами” – “Миннесота” – 129:97 (33:27, 36:26, 29:17, 31:27)

Май: Уэйд (26), Л. Жеймс (20 + 12дамжуулалт ), Жеймс Жонс (17), Хаус (15), Бош (13), Хаслэм (11 + 10 самбар ), Челмерс (8 + 8 дамжуулалт).

Мин: Лав (20), Телфэйр (13), У. Жонсон (13), Пекович (12 + 8 самбар), Бисли (11).

Дуэйн Уэйд 26 оноо, ЛеБрон Жеймс 20 оноо, 12 оновчтой дамжуулалт хийснээр Майами дөрөв дэх дараалсан хожлоо авлаа. ЛеБрон өнөөдөр 12 оновчтой дамжуулалт хийсэн нь Майами багийн түүхэнд довтлогч хамгийн олон оновчтой дамжуулалт өгсөн тохиолдол болжээ.

Уэйд ердөө 24 минут тоглосон хэдий ч 17 шидэж 12-г нь амжилттай болгосон байна. Майами эхний тоглолтонд Бостонд хожигдсоноос хойш өрсөлдөгчдөө дунджаар 22,8 онооны зөрүүтэй хожиж байгаа ажээ.

“Милуоки” – “Портленд” – 76:90 (27:21, 18:26, 17:26, 14:17)

М: Мэггетти (16), Дельфино (14), Богут (12 + 9 самбар), Женнингс (8 + 7 дамжуулалт + 6 бөмбөг алдалт).

П: Мэттьюз (18), Рой (17 + 5 бөмбөг таслалт), Олдридж (14 + 8 самбар+ 5 блок-шот), А. Миллер (12), Каннингем (12), Ар. Жонсон (10), Кэмби (2 + 13 самбар).

Уэсли Мэттьюз өөрийн авсан 18 онооны 16-г нь эхний хагаст авснаар Портлэнд дөрвөн тоглолт дараалсан зочлон тоглолтоо амжилттай дуусгалаа.

Эхний хагас 47-45-аар өндөрлөсөн ч Портлэнд бүх давамгайллыг 3-р үед авч 4-р үе 73-62 оноогоор эхэлсэн юм. Энэ нь Портлэндийн хувьд энэ улиралд анх удаа 4-р үеийг онооны давамгай байдалтай эхлүүлж байгаа тоглолт юм.

“Лейкерс” – “Мемфис” – 124:105 (34:23, 39:23, 24:30, 27:29)

Л: Брайант (23), П. Газоль (21 + 13 самбар), Одом (17 + 8 самбар), Барнс (16 + 14 самбар), Ш. Браун (13), Блэйк (10).

М: Гэй (30), Конли (16 + 8 дамжуулалт), М. Газоль (11 + 8 самбар), Артур (10 + 7 самбар), Анри (10).

Коби Брайант өөрийн авсан бүх оноогоо эхний хагаст авч, По Газоль 21 оноо, 13 самбараас авалт хийснээр Лейкерс Мемфист ямар ч боломж олгосонгүй.

Коби Брайант дөрөвдүгээр үед бүтэн амарсан ба тэр Лейкерсийн түүхэнд хамгийн олон минут тоглосон тоглогч болоход ганц минут үлдээд байгаа гэнэ. Дээд амжилтыг Карим Абдул Жаббар эзэмшдэг ажээ.

Өчигдөр 5 жилийн 40 сая ногооны гэрээг байгуулсан Руди Гэй, Майк Конли нар өнөөдөр сайн тогложээ.

Өнөөдөр тоглох байсан Мэжик, Никс багуудын тоглолт талбай дээр цэвэрлэх хортой бодис алдагдсаны улмаас хойшилжээ. Мэдисон Сквэр Гарден ордонд Нью Йорк Рейнжерс баг мөн тоглолтоо хийдэг бөгөөд мөсийг солих явцад ийм зүйл болсон аж.

Жон Уоллын үдэш..., 10.0 out of 10 based on 5 ratings