Реал Мадрид болон Вильяреалын дасгалжуулагч байсан Мануель Пеллегрини Ла лигт эргэн ирлээ. Тэрээр лигийн хүснэгтэд 18-р байранд жагсаж байгаа Малага багийн дасгалжуулагчаар томилогджээ. Өдгөө 57 настай Чили дасгалжуулагч өнгөрсөн 5 сард Эзэн хааны багийн дасгалжуулагчын албанаас халагдсан. Өмнө нь тэр Вильяреалыг 2004 – 2009 оны хооронд дасгалжуулахдаа Интертотогийн цомд түрүүлж байжээ. Малагагийн албан ёсны сайтад ” Чили дасгалжуулагч Мануель Пеллегрини 2013 оны 6 сар хүртэл Малага багийн дасгалжуулагчаар ажиллахаар томилогдлоо. Албан ёсны хэвлэлийн бага хурал баасан гаригийн үдэш болно” гэжээ. Малага 9 тойргийн тоглолтоос 2 хожил 1 тэнцээ аваад байгаа юм.