Японы Тоокай Их сургуулийн биеийн тамирын тэнхимийн эрхлэгч, 1984 оны Лос-Анжелесын Олимпийн аварга Ямашита Ясүхирогийн тэргүүлдэг “Жүдогийн боловсролын нэгдэл” төрийн бус байгууллагаас Монголын жүдо бөхийн холбоонд 70 ширхэг кимоно бэлэглэлээ.  Тус байгууллага нь дэлхийн улс орнуудад жүдо бөхийг дэлгэрүүлэн хөгжүүлэхэд чиглэсэн олон төрлийн арга хэмжээ зохион байгуулдаг аж. Монголчуудад кимоно гардуулах ажиллагаа Япон улсаас манайд суугаа Элчин сайдын яаманд өнгөрсөн баасан гаригт болсон юм.