Энэ оны долдугаар сарын 30-нд Улаанбаатар хотод байгуулагдсан Монголын корфболын холбоо ирэх онд БНХАУ-ын Шаосин хотод болох хурлаар Олон улсын холбоонд 58 дахь гишүүнээр элсэхээр болжээ. МКХ-ны гүйцэтгэх захирал Б.Онол аравдугаар сарын 29-нд эх орондоо энэхүү спортыг хэрхэн хөгжүүлэх төлөвлөгөөг ОУКХ-нд танилцуулсан байна. Үүнд их, дээд болон дунд сургуулийн бие тамирын хичээлийн хөтөлбөрт корфболын танилцуулга хичээл оруулахаар хөөцөлдөж байгаа гаа дурдсан байна. Корфбол нь сагсан бөмбөгийн спорттой төстэй бөгөөд бөмбөгийг сам­баргүй цагаригт оруулж оноо авдгаараа ялгаатай аж. Эрэгтэй, эмэгтэй хүмүүс нэг баг болж өрсөлддөгөөрөө онцгой аж.