Монголын шатрын холбоо, Нийслэлийн боловсролын газар, “Хөх морь” клуб хамтран Улаанбаатар хотын сургуулиудын аварга шалгаруулах нээлттэй тэмцээнийг арванхоёрдугаар сарын 3-5-нд зохион байгуулахаар болжээ. Охид, хөвгүүдийн 7, 9, 11, 13, 15, 17 хүртэлх насны ангилалд болох тэмцээнд нэг сургуулиас хэдэн ч тамирчин оролцож болох аж. Швейцарь системээр долоон өрөг тоглох нийслэлийн сургуулиудын аварга шалгаруулах тэмцээний оноолтыг компьютерээр хийх бөгөөд цагийн хяналт талдаа нэг цаг байх юм. Ангилал болгоны эхний таван байр эзэлсэн сурагчдыг харгалзан онооны нийлбэрээр багийн дүнг гаргана.