Арсеналтай хийсэн тоглолтод багийн ахлагчаар тоглосон Тоттехэмийн хамгаалагч Галлас энэ үүргээ цаашид ч биелүүлэх бололтой. Тэрээр энэхүү тулаанд гайхалтай тоглолт үзүүлж багийнхаа ялалтад үнэтэй хувь нэмэр оруулсан юм. Харри РеднаппЛондоны дербийн өмнө Галласыг багийн ахлагчаар томилсон нь нилээд шүүмжлэл дагуулсан. Шигшээ багийн анд Насритай өрнүүлсэн хэвлэлийн дайн энэ бүхний эхлэл байлаа. Тоглолт эхлэхэд Насри-Галлас нар хоорондоо гар бариагүй бөгөөд эхний гоолыг Насри оруулж цэнгэлдэхэд ирсэн үзэгчид Галласыг шоолж байлаа. Гэхдээ сүүлийн мөчид Галлас цэнгэлдэхээс  ялалчын дүрээр гарсан юм. “Насри намайг үл тоосон нь үнэн. Гэхдээ тэр залуу байна . Ер нь бол иймэрхүү юм хийсэн нь ичмээр хэрэг л дээ. Тийм болохоор бага ч гэсэн санаа зовох хэрэгтэй шд. Цэнгэлдэхэд үзэгчид намайг тэгж угтахыг би гадарлаж байсан. Мэргэжлийн тоглогч иймэрхүү зүйлд бэлэн байх хэрэгтэй” гэж Галлас ярьсан. Харин Реднапп “Би Арсеналтай хийсэн тулаанд Галлас шилдэг тоглолтоо эргэн үзүүлсэн  учраас түүнийг би үндсэн ахлагч болгосон. Миний бодлоор тэр ийм хүндлэл хүлээх эрхтэй. Лука Модрич сайн тоглогч ч гэсэн заримдаа их зүйл ярьдаггүй. Харин Галлас бол үлгэр жишээ болж байгаа.  Тэр манайд ирэхдээ “Би өмнө нь Арсеналд байсан шүү дээ” энэ тэр гэж маяглаагүй нь сайн хэрэг. Мэргэжлийн тоглогч тийм л байх хэрэгтэй. Өмнө нь тэр Челси, Арсенал тоглож байсан бол одоо Сперзд байна.  Насри тэр хоёрын асуудал надад хамаагүй. Өөрсдөө л мэдэг” гэжээ. Мөн тус багийн тоглогч Кабуль Галласын шилдэг тоглолтыг магтжээ.