Лацио талбайдаа Интерийг 3 -1-ээр буулган авснаар Сери А лигийн хүснэгтийн 2-р байранд дэвшлээ. 15 дахь тойргийн уг тулаан Рафаель Бенитезэд ирэх дарамт шахалтыг улам ихэсгэлээ. Интер улирлын 4 дэх ялагдлаа ийнхүү амсаж байгаа бөгөөд хүснэгтийн 6-р байранд бичигдэж байна. Гэхдээ өнөөдөр явагдах бусад багуудын тоглолтуудаас шалтгаалж тэдний байр доошлохыг үгүйсгэх аргагүй. Дээрхи тоглолтын 27 дахь минутад Жузеппе Бьява гоолын салхийг хагалж улмаар 2-р үеийн эхэнд Мауро Сарате багийнхаа 2 дахь гоолыг оруулсан юм. Хэдийгээр бөмбөг эзэмшиилтээр Интер илүүрхэж байсан ч өөсдийнхөө өрнүүлсэн довтолгооны хувилбарыг амжилттай төгсгөж чадахгүй байв. Олон удаагийн довтолгооны эцэст Горан Пандев 74 дэх минутад тооны харьцааг ойртуулсан ч түүний гоол Бенеаматачуудад зөвхөн нэр төрийг л авчирчээ. Цаг дуусаж байхад  Эрнанеш тооны харьцааг 3 -1 болгон холдуулж Лацио гайхалтай ялалтыг байгууллаа. Тоглолтын турш Лацио 22 довтолгоо өрнүүлж 8 нь хаалга руу чиглэсэн бол Интер 20 -5 гэсэн үзүүлэлттэй. Харин бөмбөг эзэмшилт 41 – 59 гэсэн харьцаатай Интер илүүрхсэн байна.

Рим. Стадион “Олимпико”. Шүүгч- Даниэле Орсато (Чио).
ЛАЦИО – ИНТЕР – 3:1 (1:0)
Бьява, 27 (1:0). Сарате, 52 (2:0). Пандев, 74 (2:1). Эрнанеш, 89 (3:1).
Лацио	Интер
Фернандо Муслера	Лука Кастеллацци
Стефан Раду	Хавьер Дзанетти
Андре Диас	Иван Кордоба
Джузеппе Бьява	Лусио
Стефан Лихтштайнер	Фелисе Наталино, 82
Матузалем	Эстебан Камбьяссо
Кристиан Брокки	Салли Мунтари, 54
Стефано Маури	Деян Станкович, 36
Эрнанеш, 90	Уэсли Снейдер
Сержио Флоккари, 86	Жонатан Бьябьяни
Мауро Сарате, 80	Горан Пандев
Сэлгээ:
Кристиан Ледесма, 80	Тиагу Мотта, 36
Томмазо Рокки, 86	Денис Алибек, 54
Марко Брешиано, 90	Давиде Сантон, 82
Шар хуудас:
Кристиан Брокки, 61	Салли Мунтари, 21
Стефан Раду, 84

15-р тойргийн бусад тоглолтууд