Энэ долоо хоногийн лхагва гаригт хөшгөө нээх Азийн элсний спортын хоёрдугаар наадамд монголчууд бодибилдинг, модон бөмбөг, триатлоны төрлөөр 20 шахуу хүний бүрэлдэхүүнтэй баг тамирчид Оман улсыг зорилоо. Азийн Элсний Наадам нь анх 2008 онд Индонезийн Бали хотноо болсон бөгөөд манай элсний бөх Т.Энх-Амгалан алтан медаль хүртэж байсан боловч энэ удаа уг төрлийг багтаагаагүй юм. Наадам нийт спортын 14 төрлөөр алс холын Персийн буланд орших Мускат хотод 12 сарын 8-16-ныг дуустал үргэлжилнэ. Энэ жил Ванкуверийн өвлийн олимп, Сингапурын Хүүхдийн олимп, Гуанжоу Азийн наадмын дараах отгон Наадам ийнхүү эхлэх нь ээ.