Ливерпулийн довтлогч Фернандо Торрес ESPN-ээс үзэгчдийн саналаар тодруулдаг сарын шилдэг тоглогчоор тодорчээ. Өнгөрсөн 11 сард Торрес Болтон, Челсигийн хаалганд багтаа хэрэгтэй чухал гоолууд оруулсан юм. Хэдийгээр Испани эр улирлыг тааруу эхлүүлсэн ч бага багаар өөрийн формондоо орж тэр чинээгээрээ Улаануудын амжилт эргэж сайжирч байгаа. Ялангуяа Челсиг 2 : 0-ээр ялсан тоглолтод Торрес гайхалтай үр дүнг үзүүлж багтаа ялалт авчирсан. Дараа нь Уигантай тэнцэхэд 1 гоол хийсэн юм. Рой Хожсон багийнхаа шилдэг  довтлогчын талаар  ”Түүнд маш их шүүмжлэл ирж байсан. Гэхдээ ихэнхи нь огт худлаа зүйл байсан юм. Торрес хэзээд багтаа тус болоход бэлэн байдаг. Түүнээс ихийг хүлээж байна” гэжээ. Ирэх даваа гаригт Улаанууд Астон Виллаг талбайдаа угтана.