Монголын бодибилдинг фитнессийн холбоо УАШТ буюу “Монголын мистер” тэмцээнээ энэ сарын 18-нд СТӨ-нд зохион байгуулахаар болжээ. Хот, хөдөөгөөс шалгарсан тамирчид эрэгтэйчүүдийн 60, 65, 70, 75 кг-ын жин болон мастер ангилал /45 дээш насны/, эмэгтэй фитнесс, модель фитнессийн ангилалд аваргуудаа тодруулах юм. Тэмцээний шагналын сан нь 40 сая төгрөг бөгөөд жин жингийн аваргуудын шилдэг нь болох “Монголын мистер”-ийг 10 сая төгрөг хүлээж байна. Энэхүү тэмцээн 1990 оноос гараагаа эхэлсэн бөгөөд “Монголын мистер”-ээр тодорч байсан тамирчид урилгаар оролцох болжээ.