Монголын морин спор уяачдын холбоо уламжлалт шинэ жилийн цэнгүүнээ энэ сарын 16-нд хийхээр болжээ. ММСУХ-ны 15 жилийн ойн нэрэмжит цэнгүүний үеэр рейтингийн зөвлөл Монгол Улсын манлай уяач, унаачаас гадна манлай азарга, их насны морь тус бүр есийг тодруулж, олон нийтэд зарлан алдаршуулах юм. Хөдөө орон нутагт олон жил морь уяж, өндөр амжилт гаргасан ахмад уяачдыг шинэ жилийн цэнгүүнд урилгаар оролцуулж, хүндэтгэл үзүүлэх бөгөөд энэхүү арга хэмжээг телевизээр орон даяар шууд дамжуулахаар төлөвлөжээ.