Сүүлийн үеийн арилжаа наймааны гол бай болоод байсан Швайнштайгэр өнөөдөр өөрийн шийдвэрээ гаргаж төрөлх Байерндаа үлдэхээр боллоо.

Тэрээр: “Энэ бол клуб болон миний хувьд хамгийн зөв шийдвэр байсан. Миний зүрх сэтгэл энд байх болно.” гэж лигийн ээлжит өрсөлдөгч Ст.Паулиг хожсоны дараа хэлж фенүүддээ гэнэтийн мэдээ барьсан юм.

Тоглолт дууссаны дараа тэрээр Аллианц Ареанад цугларсан хөгжөөн дэмжигсэдийнхээ өмнө 5 жилийн гэрээ сунгахаа зарласан.

Дасгалжуулагч Луйс ван Гаал түүний шийдвэрийн талаар: “Миний зорилго бол Байерныг удаан хугацаанд амжилттай дасгалжуулах. Тиймээс ч Бастиан Швайнштайгэртай гэрээ сунгах нь маш чухал байсан. Дэлхийн хэмжээний тоглогчийг Байернд үлдсэнд маш баяртай байна.” гэсэн юм.

Швайнштайгэр өмнө 2012 он хүртэл Байернтай гэрээтэй байсан ба ойрын үед арилжаа наймааны цонхийн гол бай болоод байлаа. Түүний хойноос Манчестер Юнайтед, Реал Мадрид, Интэр Милан тэргүүтэй топ клубууд эрчимтэй хөөцөлдөж байсан боловч тэрээр төрөлх багтаа үлдэхээр боллоо. Түүний хувьд Байернийн хамт 5 лигийн аварга, 5 Германын лигийн аварга цомыг хүртсэн билээ.