Эрэгтэй 10 км спринт

Эрэгтэй 12.5 км хөөж гүйцэх

Тарьей Бё ялалтын цувралаа энэ төрөлд  үргэлжлүүлж карьерийн 2 дахь түрүүгээ хүртлээ. Ердөө нэг өдрийн өмнө тэр анх удаа Дэлхийн цомын түрүү хүртээд (10 км спринт) итгэж чадахгүй байгаагаа өгүүлж байсан бол ийнхүү нэг амьсгаагаар 2 дараалан түрүүлэх нь тэр. Гэхдээ үнэхээр түрүүлэх хэмжээний сайн байсныг нь дурьдах хэрэгтэй. Гарааны эхнээс тэр тэргүүлэгчийн байранд заларсан тэрээр сүүлийн буудалтад нэг сум алдсаныг эс тооцвол өөр алдаа гаргаагүй. 12.5 км-ийг тэр 36:32.4 минутад туулж барианд орсон юм. “Үгүй ээ, би хэзээ ч энд 2 түрүү хүртэнэ гэж бодож байсангүй. Миний форм сайн байсан ч гэсэн олон сайн тамирчид байгаа болохоор яг ийм амжилт үзүүлнэ гэсэн итгэл байгаагүй. Сүүлийн сумын хувьд би ардаа яваа тамирчнаас 1 минутаар түрүүлж байсан болохоор нэг их санаа зовоогүй. Хоёрыг алдсан ч түрүүлэх л байсан. Надад гай тарьж мэдэх ганц аюул бол унах байсан учраас сүүлийн тойрогт би маш болгоомжтой уруудсан” хэмээн Тарьей ярьжээ.

Хоёр болон гуравдугаар байрын төлөөх өрсөлдөөн ширүүн байлаа. Оросын Иван Черезов, Евгений Устюгов нар сүүлийн буудалтын цэг дээр хамт орж ирсэн бөгөөд Австрийн Симон Эдер тэднээс 15 сек-ээр хоцорч байлаа. Шийдвэрлэх энэ буудалт дээр Орос залуус тус бүр нэг сум алдсан бол Симон Эдер хурдан бууддаг заншлаараа 5 сумаа шүршээд нэг ч алдалгүй урагшилсан. Нутгийнхаа хөгжөөн дэмжигчидийн уухайн дор Эдер сүүлийн 2.5 км-ийг амжилттай туулан 2-р байранд орж чадсан. Харин Черезов түүнээс 1 секундын дараа барианд оржээ. Австрийн Кристоф Суманн , Доминик Ландертингер , Даниел Месотич нар бүгд сайн уралдаж эхний 15-д багтсан. Норвегийн Свендсон 4 торгуультайгаар 5-р байр, Бьёрндален 7-р байр эзэлжээ.

#	Нэр	Цаг	торгууль
1	Тарьей Бё	36:32,4	1 (0 + 0 + 0 + 1)
2	Симон Эдер	+38,7	0 (0 + 0 + 0 + 0)
3	Иван Черезов	+40,0	2 (1 + 0 + 0 + 1)	1
4	Евгений Устюгов	+40,9	1 (0 + 0 + 0 + 1)
5	Эмиль Хегле Свендсен	+43,5	4 (1 + 0 + 2 + 1)
6	Кристоф Зуман	+47,1	1 (1 + 0 + 0 + 0)
7	Уле Эйнар Бьёрндален	+49,9	1 (0 + 0 + 2 + 1)

Эрэгтэй – 4 x 7.5 км буухиа

Ванкуверийн олимпийн аварга Норвегийн залуус шилдэг нь байлаа. Тэд нийт зайг 1:29:38.2 гэсэн хугацаанд туулсан юм.   Александр Ус, Бьёрндален, Свендсон, Тарьей Бё гэсэн дарааллаар Норвегчууд гараанаас гарсан бөгөөд Ус 4 сум алдсаныг эс тооцвол бусад нь ноцтой алдаа гаргасангүй. Уралдаан тэр чигтээ цасан шуурган дунд явагдсан. Салхины хүч маш их байснаас туршлагатай тамирчид олон сум алдаж буудсан. Жишээлэхэд  Иван Черезов  мөн Александр Усын адил 4 удаа алдаж багаа хөөджээ. Уралдааны эхэнд аль нэг баг бусдаасаа тасралгүй жигд тэмцэл өрнөж байлаа. Харин 2 дахь буухианаас эхлэн Бьёрндален өөрийн классаа харуулж Норвегийн багт тэргүүлэл авчирсан. Түүний тэргүүллийг  Свендсон,   Бё нар үргэлжлүүлж барианы зурвасыг түрүүлэн давжээ. Хохфильцен дэх гараанд гайхалтай амжилт үзүүлж буй Тарьей Бё “Багаараа бид маш сайн ажилаллаа. Надад сүүлийн буухиаг авч явах эрх олдсонд үнэхээр баярласан. Австрийн  Ландертингер яг миний араас нэхэж байсан. Түүнийг хүнд нөхцөлд сайн уралддагийг би мэдэх болохоор бүх хүчээ дайчлахаас өөр арга байгаагүй. Баяртай байна” гэжээ. Талбайн эзэн Австрийн баг 2-р байр эзэлсэн. Сүүлийн буухиаг хийсэн Ландертингер нэг сумаа алдаагүй бол тэд Норвегийн багийг сандаргаж болох байлаа. 3-р байранд Мартен Фуркад, Венсан Же тэргүүтэй Францын баг орсон юм. Харин Ванверийн олимпийн хүрэл медальт Оросын баг дөнгөж 13-р байр эзэлжээ.

#	Нэр	Цаг	Торгууль
1	Норвег Александер Ус Уле Эйнар Бьёрндален Эмиль Хегле Свендсен Тарьей Бё	1:29:38,2	1 + 7 1 + 3   0 + 1 0 + 0   0 + 0 0 + 0   0 + 1 0 + 2   0 + 0
2	Австри Даниэль Мезотич Тобиас Эберхард Кристоф Зуман Доминик Ландертингер	+53,1	0 + 4 0 + 1   0 + 1 0 + 0   0 + 1 0 + 0   0 + 0 0 + 0   0 + 1
3	Франц Венсан Же Жан-Гийом Беатрикс Лоис Абер Мартен Фуркад	+3:28,8	2 + 9 0 + 0   0 + 1 0 + 1   0 + 0 0 + 1   1 + 3 1 + 3   0 + 0

Дэлхийн цомын явц Эрэгтэй

#	Нэр	Эст			Хох
		Оноо	Спр	Ганц	Спр	Прс	ганц
1	Эмиль-Хегле Свендсен	257	60	60	54	43	40
2	Тарьей Бё	246	43	43	40	60	60
3	Уле-Эйнар Бьёрндален	235	54	54	60	31	36
4	Мартен Фуркад	167	48	48	40	3	28
5	Михаэль Грайс	144	30	32	26	22	34
6	Антон Шипулин	143	22	34	38	28	21
7	Сергей Седнев	138	27	13	32	54	12
8	Лукас Хофер	133	-	31	36	36	30
9	Симон Эдер	129	8	5	24	38	54
10	Алекси Бёф	127	-	26	21	48	32