Монголын сагсан бөмбөгийн шигшээ баг Гуанжоугийн наадмын эрч хүчээ үргэлжлүүлэн  нийгмийн сайн сайхны төлөөх үйлст  зориулж байна. МУГТ Ц.Шаравжамцаар ахлуулсан  шигшээ багийн бүрэн бүрэлдэхүүн  цус сэлбэлт судлалын үндэсний төвд айлчиллаа. Тоглогч тус бүр 350-400гр цус хандивлажээ. Цус сэлбэлт судлалын үндэсний төвийн” дарга Д.Улаанхүү хэлэхдээ: “Та бүхний өгсөн цус олон арван хүний эрүүл мэнд, амь насыг аварна. Үүгээр ч зогсохгүй Монголын нүүр царай болсон шилдэг тоглогчдыг шүтэн бишрэгч хүүхэд залууст зөв үлгэр дуурайлал өгч байна гэж тодотгоод тамирчид болоод холбооны удирдлагуудад амжилт хүсч талархал илэрхийлсэн байна. Монголын сагсан бөмбөгийн холбоо  шинэ бүтэц бүрэлдэхүүнтэй болсноор хөгжлийн шинэ шатанд тэмүүлж байгаагийн нэг илрэл энэ гэж болно. Өмнө нь шигшээ багууд бүрэн бүрэлдэхүүнээрээ цус сэлбэлт судалын төвд хандаж байсан тохиолдол үгүй юм.   Тэдний сайн үйлсийн аян үүгээр зогсохгүй.  Ирэх амралтын өдрүүдэд асрамжийн төвийн хүүхэд багачуудыг шинэ оны босгон дээр баярлуулахаар төлөвлөжээ.