Карлос Тевес багаасаа явах эсэх нь тодорхойгүй байгаа. Гэхдээ Роберто Манчини түүний шийдвэрийг хүлээлгүй багийн ахлагчын туузыг Винцент Компанид өгөхөөр болжээ. Сити ирэх даваа гаригт Эвертонтой тоглоно. Энэ тоглолтод ч Аргентин эр оролцох эсэх нь тодорхойгүй байна. Тевесээс гадна премьер лигт багаасаа явахаар бэлдэж байгаа тоглогчид цөөнгүй байна. Тухайлбал өнгөрсөн зун Ситигаас Виллад ирсэн Айрланд тэдний нэг юм. Улье энэ талаар “Тоглогч өөрөө явахыг хүсэж байгаа бол явсан нь  зөв. Тэр өөрөө нэгд сар явна гэдгээ хэлсэн. Би түүнийг Бирмингэмд амьдардаггүй гэдгийг л мэднэ” гэжээ. Гэхдээ Айрландыг авахаар тодорхой санал тавьсан баг одоогоор байхгүй байгаа гэнэ. Айрланд түрүү зун Милнертэй зөрөөд Астон Виллад ирсэн бөгөөд гэвч шинэ багтаа дасан зохицож чадсангүй.