Ди Мария (Реал Мадрид)

Ди Мариягийн 76 дахь минутад оруулсан гоол Реал Мадридад 3 оноо авчирлаа. Сантьяго Бернабеу цэнгэлдэхэд Реал – Севильягийн тоглолтыг шүүсэн Карлос Клос Гомес  энэ өдөр тун завгүй байсан бөгөөд нийт 12 шар хуудас, 2 улаан хуудсаар 2 багийнхныг торгожээ. 63 дахь минутад Реалын Рикарду Карвалью 2 дахь шар хуудсаа хүртэж багаа хэцүүхэн байдалд оруулсан. Эзэн хааны баг талбайдаа 14 дараалан ялаад байсан. Харин хүн дутуу үлдсэнээр тэдний гайхалтай цуврал тасалдах аюулд ороод байв.

Харин Ди Мария багаа аварч Андрес Палопын алдааг ашиглан хожлын гоол оруулсан юм. Эзэн хааны багаас бэртэлтэй байсан Серхио Рамос хуучин эсрэг гараанп гарч тоглосон. Харин эсрэг талд нь Альваро Негредо экс багийн андуудтайгаа нүүр тулсан. Эхний хагас халуухан уур амьсгал дор явагдаж шар хуудсаар шүүгч “бөмбөгдөж” байлаа. Коффи Ромарикийн аюултай чөлөөт цохилтыг Икер хатгаж гарган багаа аварсан бол Ди Мариягийн алсын цохилт гоол болоход багахан аз дутсан юм. 57 дахь минутад Альваро Негредо Касильясийн эсрэг ганцаараа гарсан боловч бөмбөгийг хөндлөвчний дээгүүр цөлж алтан боломжоо үгүй хийсэн юм.

Үүний дараа Карвалью талбайгаас хөөгдөж, Ди Мария гоол оруулсан юм. Мухамаду Дабо цаг дуусахтай зэрэгцэн  Ди Марияг унагааж талбайгаас хөөгдсөнөөр зочин баг ч хүн дутуу тоглолтыг дуусгалаа. Селилья лигтээ 5 дараалан ялагдаж 11-р байр луу ухарч байна.

Энэ тойргийн бусад тоглолтууд

Мадрид. Стадион “Сантьяго Бернабеу”. Шүүгч- Карлос Клос Гомес (Сарагоса).
РЕАЛ МАДРИД – СЕВИЛЬЯ – 1:0 (0:0)
Ди Мария, 76 (1:0).
Реал Мадрид	Севилья
Икер Касильяс	Андрес Палоп
Серхио Рамос	Мухамаду Дабо
Пепе	Мартин Касерес
Рикарду Карвалью	Жюльен Эскюде
Альваро Арбелоа	Фернандо Наварро
Сами Хедира, 62	Абдулай Конко, 78
Лассана Диарра	Коффи Ромарик
Анхель Ди Мария	Дидье Зокора, 85
Месут Ёзил, 78	Диего Капель, 85
Криштиану Роналду	Альваро Негредо
Карим Бензема, 62	Луис Фабиано
Сэлгээ :
Эстебан Гранеро, 62	Лаутаро Акоста, 78
Педро Леон, 62	Алехандро Альфаро, 85
Рауль Альбиоль, 78	Хосе Карлос, 85
Шар хуудас
Рикарду Карвалью, 45	Дидье Зокора, 80
Анхель Ди Мария, 60	Мартин Касерес, 85
Икер Касильяс, 63	Лаутаро Акоста, 90
Рикарду Карвалью, 63
Пепе, 70
Лассана Диарра, 70
Месут Ёзил, 78
Педро Леон, 87
Серхио Рамос, 90
	Мухамаду Дабо, 90+1

***

Альмерия. Стадион “Медитерранео”. Шүүгч- Альварес Искьердо (Барселона).

АЛЬМЕРИЯ – ХЕТАФЕ – 2:3 (2:1)

Уче, 7 (1:0). Ульоа, 24 (2:0). Ману, 29 (2:1). Мику, 48 (2:2). Боатенг, 70 (2:3).

***

Малага. Стадион “Ла Росаледа”. Шүүгч- Фернандо Тейшейра Витьенес (Сантандер).

МАЛАГА – АТЛЕТИКО – 0:3 (0:1)

Тиагу Мендеш, 22 (0:1). Домингес, 66 (0:2). Тиагу Мендеш, 69 (0:3).

***

Мэргэн буучид

3	Тоглогч	Баг	Гоол
1	Месси	Барселона	17
	Роналду	Реал Мадрид	17
3	Давид Вилья	Барселона	11
4	Лорьенте	Атлетик Бильбоа	10
	Нилмар	Вильяреал	10