Монголын хоккейн холбоо¬ны Үндэсний лигийн аварга шалгаруулах тэмцээний нэг­дүгээр тойргийн тоглолт үргэлжилж байна. Анх 1999 оноос гараагаа эхэлсэн лигийн тэмцээнд энэ жил Улаанбаатар хотын “Жалам хар”, “Алтан-Од”, “Билэгтхүү”, Багануур дүүргийн “Багануур”, Дархан-Уул аймгийн “Бурхантын барс”, Шарын гол сумын “Золбоот тамирчид”, Эрдэнэтийн “Хангарьд” гэсэн долоон баг өрсөлдөж байгаа билээ. Тэмцээний нэгдүгээр тойргийн тоглолт маргааш өндөрлөх бол хоёрдугаар тойрог ирэх оны нэгдүгээр сарын 10-16-нд Эрдэнэтэд болно. Харин 2011 оны нэгдүгээр сарын 30-наас хоёрдугаар сарын 6-нд Казахстаны Астана, Алма-Ата хотод болон Азийн өвлийн спортын VII наадмын дараа шигшээ тэмцээн үргэлжлэх юм. Тойргийн тоглолтод өндөр амжилт үзүүлсэн долоон баг плей-офф шатанд өрсөлдөх эрхээ авна.