Монголын үндэсний олимпийн хорооны байранд өчигдөр аймаг, дүүргийн олимпийн зөвлөлийн дарга нарын зөвлөгөөн боллоо. Энэхүү сургалт семинарын үеэр олон арга хэмжээ болсон бөгөөд “Гуанжоу-2010” Азийн наадмыг тохиолдуулан зарласан “Азийг бүрхсэн алаг үрс” хүүхдийн гар зураг болон эссэ бичлэгийн уралдааны дүнг зарласан юм. Уралдаанд хөдөө, орон нутгийн хүүхдүүд идэвхтэй оролцож, шагналт байр эзэлсэн байна. Түүнчлэн МҮОХ хөдөө, орон нутгийн олимпийн зөвлөлүүдийг шагнаж, спортын хэрэгсэл хувцас зэргээр хангажээ.