Энэ сарын 4-25ны өдрүүдэд Турк улсад,манай гаригийн шилдэг 64 шатарчдын дунд олимпийн системээр явагдаж буй эмэгтэйчүүдийн ДАШТ-ийг манай сайт тогтмол мэдээлж байгаа билээ.

Төгсгөлийн шатанд буюу зургаагийн даваанд Дэлхийн аварга цолны төлөө 4 өрөгт халз тулалдаж байгаа хятадын шатарчдын Жуан Луфэй нь сонгодог тоглолтын сүүлчийн өрөгт зоригтой нүүн эрчимтэй довтолж  ялснаар оноог тэнцүүлэв.Ийнхүү Дэлхийн аварга цолыг хэн хүртэх нь нэмэлт тоглолтоор шийдэгдэх болов.

Жуан Луфэй өмнөх бүх даваануудад өрсөлдөгчдөө дандаа тай-брейкээр ялсан бөгөөд сэтгүүлчдэд нэмэлт тоглолтын талаар өгсөн ярилцлагадаа: “…Хоу Ифан маш түргэн нүүдэг сайн шатарчин тул түүнд сайхан боломж байна, надад бас хувилбарууд бий,олдсон боломжоо ашиглан тоглохыг хүсэж байна ” гэжээ.