Монголын хөнгөн атлетикийн холбооны Удирдах зөвлөлийн хурал энэ сарын 28-нд МҮЭХ-ны хурлын танхимд болно. Хурлаар үндсэн найман асуудлыг хэлэлцэхээр төлөвлөжээ. Тухайлбал, гүйцэтгэх захирал бөгөөд ерөнхий нарийн бичгийн дарга Ч.Зоригтбаатар 2010 оны жилийн эцсийн үйл ажиллагааны талаар мэдээлэл өгөх бол, нягтлан бодогч Л.Хүрэлбаатар санхүүгийн тайланг танилцуулж, хэлэлцүүлнэ. Дэд ерөнхийлөгч С.Ганбаатар ирэх жилийн үйл ажиллагааны төлөвлөгөөг, Уралдаан тэмцээн хариуцсан зөвлөлийн дарга А.Амгалан ирэх онд гадаад, дотоод болон тэмцээний календарьчилсан төлөвлөөг танилцуулах юм.

Түүнчлэн МХАХ байгуулагдсаны түүхт 50 жилийн ой тохиох энэ мөчид шилдгийн шилдэг тамирчин, ахмад болон өсвөрийн тамирчин, дасгалжуулагч, аймаг дүүргийн салбар хороодыг тодруулж, шагнахаар төлөлвлөжээ.