Дэвид Бекхэм премьер лигт эргэн ирж магадгүй байна. Америкийн MLS 3 сарын дундуур  эхлэх учраас Бекс одоо хийх ажилгүй байгаа. Тиймээс өмнө нь АС Миланд зээлээр тоглож байсан шиг нөхцлөөр буюу зээлээр  Тоттенхэм түүнийг эгнээндээ нэгтгэж магадгүй байна. Харри Реднапп саяхан өгсөн ярилцлагадаа “Тэр өөрөө Лондонд ирж Тоттенхэмт тоглохыг хүсэж байгаа гэдгээ хэлсэн. Тийм болохоор энэ сайхан боломжыг бид алдмааргүй” байна гэсэн. Энэ наймаа биелэлээ олбол аль аль талдаа ашигтай. Тоттенхэмчууд Английн алдарт тоглогчоор бүрэлдэхүүнээ сайжруулан лиг боло европын тавцанд сайн үзэх боломжтой болно. Харин Бекс MLS-ийн шинэ улирал эхэлтэл сайн формтой байж, дахин өндөр түвшинд тоглох боломжтой болох юм. 2003 онд Англиас явснаасаа хойш 7 жилийн дараа Бекс премьер лигт эргэн ирэхэд ойрхон байна. Өдгөө 35 настай Бекхэм өнгөрсөн өвөл АС Миланд тоглож байхдаа ахилесийн шөрмөсөө тасалж Английн шигшээд багтан ДАШТ-д оролцох сүүлийн боломжоо алдсан. Мөн ЛА Гэлэкси багтаа ч тус болж чадаагүй билээ.