МҮОХны “Бөртө чоно-2010”-д шилдэг холбоогоор шалгарсан С.Энхцаг ерөнхийлөгчтэй МШХ хэдхэн хоногийн өмнө “Хаан палас”-д шатарчдын шинэ жилийн цэнгүүн зохиож оны шилдгүүдээ шалгарууллаа. МШХ-ны дээд шагнал “Алтан титэм”-ийг улсын 6 удаагийн аварга, шатрын зүтгэлтэн, Ж.Лхагваа хүртэж, өсвөрийн Дэлхийн аварга Д.Номин-Эрдэнэ, дасгалжуулагч Д.Батхуяг, менежер Одонбилэг, “Цэцэн нүүдэл” клуб (Х.Эрдэнэдорж),”Цагаан морь” клуб (Энхбаяр, Дархан хот), ивээн тэтгэгч “ХААН” банк, түншлэгч байгууллага Моннис компани, МҮЭСТО, Ирээдүй цогцолбор (Д.Сэржмядаг) шилдгээр тус тус тодорлоо.

Шинэ жилийн баярын ажиллагаанд УИХ-ын гишүүн Д.Лүндээжанцан, БСШУЯ-ны сайд Ё.Отгонбаяр, МҮОХ-ны дэд ерөнхийлөгч Ц.Дамдин нарын албаны хүмүүс урилгаар оролцов.