Бэртэл гэмтлийн шуурганд дайрагдсан Бобкэтсийг  Майами Хит юм болголгүй яллаа. Леброн Жеймс улирлын хамгийн өндөр 38 оноогоо авч, Уэйд 31-г нэмэрлэсэн бөгөөд тоглолтын 2-р хагаст Майами оноогоор тасарч эцсийн дүнд 96-82-ээр ялалт байгуулсан байна. Энэ нь тэдний 6 дэх дараалсан ялалт боллоо. Кливлендэд анх ирэхэд нь дасгалжуулж байсан Пол Силасын эсрэг Леброн анх  удаа тоглолоо. Тэрээр 2-р хагаст 26 оноо авч, 9 удаа самбараас бөмбөг авсан байна.

Шарлоттоос гарааны довтлогч  Жеральд Уоллес, төвийн тоглогч Назр Мохаммед нэр бэртлийн улмаас энэ тоглолтыг өнжсөн бөгөөд хамгийн харамсалтай мэдээ гэвэл тэр өдөр хийсэн шинжилгээгээр арын шугамын том эр Десагана Диоп улирал дуустал тоглож чадахгүй болсон аж. Төвдөө Кваме Браун гэсэн ганц төвтэй энэ тулаанд Шарлоттчууд орж ч 3 болон 4-р үеийн хооронд 18 шидэлтээ дараалан алдсан байна. Стивен Жексон 22 оноо цуглуулж, Ди Жей Огустин 16-г нэмсэн.

Энэ өдрийн тоглолт Майамигийнхны дээр шагналын хур буусан өдөр тохиолоо. Уэйд, Леброн  Дорнодын 12 сарын шилдгийн шагналыг хамт хүртсэн бол Уэйд нэмээд долоо хоногийн шилдгийн шагналаа гардсан.

Эрик Сполстра 12 сарын шилдэг дасгалжуулагч болсон байгаа. Сполстрагийн баг эхний хагаст лигийн хамгийн тааруу довтолгоонтой Бобкэтст 23 – 28-аар ялагдаж байлаа. Талбайн эзэн багийн шидэлтийн хувь эхний үед 63.2% хувьтай байсан. Гэвч дараагийн үеүүдэд тэд 30% хувьтай шидсэний гороо амссан. Үлдсэн үеүдэд  Леброн, Уэйд тэднийг давраасангүй. Оноогоо нөхөн 3-р үе дуусахад 78-59-ээр тэргүүлж эхэлсэн. Тоглолтын төгсгөл ч таамаглаж байсан ёсоор болж Майамигийн илт давамгайллаар өндөрлөсөн. Леброн  “Бид ингэж л ялдаг. Би хамгаалахад бүгдээрээ хамгаалалтдаа шилжиж бүх зүйлд бэлтгэлтэй байдаг. Энэ чинь л сагс шүү дэ” гэжээ. Жоел Энтоны улирлын хамгийн өндөр үзүүлэлт 9 удаа самбараас бөмбөг авчээ.