Барса Эзэн хааны цомын тэмцээний шөвгийн наймд шалгарлаа. Он гарахын өмнө хийсэн эхний тоглолтод Барса талбайдаа Атлетиктэй гоолгүй тэнцэж хүнд байдалд ороод байсан. Харин айлын талбайд хийсэн энэ удаагийн тоглолтод 1 : 1-ээр тэнцэж айлын талбайд гоол хийсэн үзүүлэлтээр дараагийн шатанд үлдлээ. Пеп Гуардиолагийн Барсаг удирдсан 150 дахь тоглолт энэ болсон.

Эрик Абидал 75 дахь минутад тооны харьцааг нээж Барсачууд тэргүүлж байсан боловч 10 минутын дараа Фернандо Льоренте тэнцээний бөмбөгийг хийсэн юм. Абидалын карьертаа хийж байгаа 2 дахь гоол нь энэ. Өмнө  нь тэр Францын цомын тэмцээнд гоолдож байлаа. Барсагийн төлөө тэрээр анх удаа гоол орууллаа. 2-р хагас үргэлжилж байх үед Атлетикийн фенүүд түүн рүү хатуу биет шидэж гэмтээх дөхсөн. Гэхдээ тэр гоолоор хариуг нь барьж чадлаа.

Сан Мамес цэнгэлдэхэд 39,750 үзэгч цуглан уг тоглолтыг үзжээ. Барсагийн шинэ цэрэг Афеллай энэ тулаанд дебутээ хийсэн бөгөөд 89 дэх минутад Вильягаар сэлгэгджээ.

Өнгөрсөн жил энэ 2 баг цомын финалд таарахад Барса 4 : 1-ээр ялж 25 дахь удаагаа Эзэн хааны цомын аварга болж байсан юм. Харин Атлетик 23 цомтойгоор тэдний ард удаалдаг.Барсагийн дараагийн шатны өрсөлдөгч Бетис, Хетафегийн нэг нь байх юм.

Энэ өдөр мөн Селилья Малагаг 3 : 0-ээр ялж шөвгийн наймын эрхээ халаасаллаа. Депортиво доод лигийн Кордобаг цаг сунгаж байж 3 : 1-ээр ялсан байх юм.