Чехийн алдарт зураач Антонин Кениг “Шатрын бодлого нь урлагийн бүтээл мөн” хэмээн 140 гаруй жилийн тэртээ “Светозор” сэтгүүлд тунхагласныг үндэслэн жил бүрийн нэгдүгээр сарын 4-нд  шатрын урлагийн олон улсын өдрийг тэмдэглэдэг билээ.

Шатрын бодлого зохиомжийн олон улсын байгууллагын (PCCC) 53 дахь Конгресс өнгөрсөн намар Грек улсад хуралдаж дүрмээ шинэчлэн нэрээ Шатрын бодлого зохиомжийн дэлхийн холбоо (WFCC) хэмээн өөрчлөв. WFCC нь 40 гишүүнтэй бөгөөд Монгол улс 1988 онд 22 дахь гишүүнээр нь элсэн үйл ажиллагаанд нь боломжийнхоо хирээр оролцож ирсэн юм.

Украины “Chess Lepolis” сэтгүүлээс 2010 онд зохион явуулсан Олон улсын уралдаанд оролцсон 19 орны 219 бүтээлээс тэргүүн байрт шалгарсан ОУХМ Л.Тогоохүүгийн  бодлогыг  шатрын урлагийн олон улсын өдрийг тохиолдуулан сонирхуулъя.