Эзэн хааны Реал цомын тэмцээний шөвгийн 16-гийн хариу тоглолтоо өнгөрсөн шөнө Левантегийн эсрэг хийж 2 : 0-ээр ялагдлаа. Гэхдээ тэд өмнөх тоглолтдоо 8 : 0-ээр ялсан болохоор дараагийн шатанд санаа зоволгүй шалгарлаа. Жозе гарааны бүрэлдэхүүнээ бүхэлд нь өөрчилж Гаго, Кака, Гранеро болон Матеос, Адан, Каналес, Гарай зэрэг бэртлээсээ эргэж ирсэн болон сэлээний тоглогчидоо талбайд гаргасан байв. 61 дэх минутад Чиско торгуулийн цохилтоос тоог нээж 86 дахь минутад Серхио тооны харьцааг холдуулсан. Реал ийнхүү Барсад 5 гоолоор бут ниргүүлснээсээ хойш анхны ялагдлаа амслаа.

Шөвгийн наймд Реалыг хүндхэн учраа хүлээж байна. Нэг хотын дерби Атлетико Мадрид тэдэнтэй энэ шатанд оноолт таарсан байна. Атлетико Эспаньолыг цуврал тоглолтын дүнгээр 2 : 1-ээр ялж энэ шатанд үлдсэн.

Саяхан багтайгаа 2 жилээр гэрээгээ сунгасан Серхио Агуеро тоглолтын гоолын салхийг хагалсан. Гэвч цаг дуусахтай зэрэгцэн Луйс Фернандез тэнцээий бөмбөгийг хийсэн юм. Өмнөх тоглолтод Мадридийн баг Симаогийн гоолоор ялаад байсан болохоор ийнхүү шөвгийн наймд үлдэж байгаа юм.

Валенсия болон Вильяреалын тоглолт 4 : 2-оор шар шумбагчидын ялалтаар дууссан. Өмнөх тоглолт хуурай тэнцсэн болохоор ч тэр үү өрсөлдөөн тун ширүүн байсан бөгөөд Жузеппе Росси 2 гоол оруулж багийнхаа ялалтын хөшүүрэг болсон.

Энэ шатны бусад тоглолтуудын тойм

Шөвгийн найм- Эхний тоглолт