Манчестер сити Босни довтлогч Эдин Жеког албан ёсоор өөрийн болголоо. Нийт 27 сая фунтээр энэ наймаа хийгдсэн бөгөөд ирэх дөрвөн жил хагасыг тэрээр Ситид өнгөрүүлэхэээр гэрээ байгуулсан байна. “Өнгөрсөн зунаас хойш би энэ багтай холбогдсон. Гэхдээ Вольфсбург намайг өнөөдрийг хүртэл зарахыг хүсэхгүй байсан учраас энд ирэх боломж олдоогүй” хэмээн 24 настай довтлогч клубын албан ёсны сайтад ярьсан байна. “Хэвэлээр миний тухай маш их цуу яриа гарч байсан л даа. Гэхдээ би юу хийж байгаагаа сайн мэдэж байсан. Тийм болохоор энэ талаар нэг их бодохыг хүсээгүй. Заримдаа хэтэрхий их зүйл бодоод байвал тоглолтод нөлөөлж эхэлдэг. Би Ситид тоглоно гэдэгтээ үргэлж итгэлтэй байсан.

Сити энэ улиралд их сайн тоглож байгаа. Би тэдний тоглолтыг зурагтаар үздэг байсан. Одоо шинэ багтаа чадах бүхнээ хийнэ” хэмээн тэрээр нэмсэн. Жекогийн дебут тоглолт ирэх долоо хоногийн Волвестэй хийх тулаанд тохиох юм байна.

Энэ ням гаригт   Лейкестертэй хийх Манчини түүнийг ФА цомын тоглолтыг тэрээр өнжинө. Учир нь Манчини альхэдийн бүрэлдэхүүнээ зарласан болохоор Жеко дебутээ ирэх долоо хоног хүртэл хүлээх хэрэгтэй болж байна. Жеко Бундеслигт 17 тоглолтод 10 гоол оруулаад байсан. “Амтай болгон Ситигийн их мөнгөний талаар ярьж байна. Гэхдээ мөнгөндөө гол байгаа юм биш харин амжилт ялалтын төлөө тэмцэх хүсэл нь чухал. Би энэ багтай хамт Аваргуудын лигт оролцмоор байна” гэж Жеко ярьжээ. Тэрээр Бундеслигийн рекорд үнээр Ситид ирж байгаа бөгөөд өмнөх амжилтыг Марио Гомез Байернд ирэхдээ эзэмшиж байсан юм.