Казахстаны Астана, Алма-Ата хотод болох Азийн өвлийн спортын VII наадам эхлэхэд 20 хоног үлдлээ. “Шар тив”-ийн 45 орны 550 тамирчин 11 спортын 69 төрөлд медалийн төлөө өрсөлдөнө. Монголын Улсын шигшээ багийн 50 гаруй тамирчин гүйлтийн цана, уулын цана, тэшүүр, зүлэг болон мөсөн дээрх хоккей, бэнди, оринтьеринг гэсэн спортын зургаан төрөлд хүч үзэх бөгөөд багийг МҮОХ-ны гүйцэтгэх зөвлөлийн гишүүн, ардын эмч Ж.Хатанбаатар ахлахаар болжээ. Азийн наадмын тэшүүр, хоккей, уран гулгалтын тэмцээн Астанад болж, уулын цана, бэнди, биатлон, гүйлтийн цана, фрийстайл, шорт-трек, цанын харайлт, оринтьерингийн тэмцэл Алма-Атыд өрнөх юм.