МҮБХ жил бүр тодорхой уриа дэвшүүлэн ажиллах арга барилыг үйл ажиллагаандаа 2000 оноос нэвтрүүлсэн билээ. Тус холбоо 2011 оныг “Түншлэл, алтан түншийн жил” болгон зарлаж, төр засагтай гэрээтэй ажиллах, хувийн хэвшлийнхэнтэй хамтын ажиллагааны шинэ хэлбэрийг үүсгэн ажиллахаар төлөвлөжээ. Жил бүр уриатай ажиллаж эхэлснээр төр засгийн болон төрийн бус байгууллагууд энэ жишгээр уриа дэвшүүлэн ажилладаг болсон гэж тус холбооныхон үздэг. Энэ нь бусдад үлгэр болсон шинэ ажил болжээ.