Олон улсын жүдо бөхийн холбооны энэ оны анхны, басхүү чанартай тэмцээн энэ сарын 15-16-нд Азербайжаны нийслэл Баку хотод болох “Мастерс” билээ. Жин бүрийн шилдэг 16 жүдочийн зодоглох тэмцээний эрхийг манай улсын 11 тамирчин авсан билээ. Монгол Улсын ардын багш, гавьяат дасгалжуулагч Ч.Насантогтох, гавьяат тамирчин, гавьяат дасгалжуулагч Х.Болдбаатар нарын удирдлага дор эрэгтэйчүүдийн 60 кг-ын жинд Г.Болдбаатар, Д.Төмөрхүлэг, Ч.Болдбаатар, 66 кг-д Х.Цагаанбаатар,  өнгөрсөн жилийн аварга С.Мияарагчаа 73 кг-д С.Ням-Очир, -100 кг-д Б.Тэмүүлэн, эмэгтэйчүүдийн 48 кг-д М.Уранцэцэг, Б.Бат-Эрдэнэ, 52 кг-д М.Бундмаа, 63 кг-д Ц.Мөнхзаяа нар хүч үзэх юм. “Мастерс”-ийн эхний өдөр хөнгөн буюу эрэгтэйчүүдийн 60, 66, 73, эмэгтэйчүүдийн 48, 52, 57, 63 кг-ын жингийн барилдаан болно. Харин ням гаригт эрэгтэйчүүдийн 81, 90, -100, +100, эмэгтэйчүүдийн 70, -78, +78 кг-ын жингийн аваргууд тодрох юм. Нийт 200 мянган ам.долларын шагналын сантай дэлхийн шилдгүүдийн тулаанд аваргалбал  6000, мөнгө, хүрэл медаль хүртвэл 4000, 2000 ам.долларын шагнал хүртэх юм. Баг тамирчид өнөөдөр өглөө Бакуг зорив.