Туркийн Эрзурум хотод нэгдүгээрр сарын 27-ноос хоёрдугаар сарын 06-нд Дэлхийн оюутны өвлийн XXV “Универсиад” наадам болох билээ. Тус наадамд манай улсаас шорт-трек, гүйлтийн цанын төрөлд таван тамирчин, хоёр дасгалжуулагч, нэг албаны хүн оролцохоор бэлтгэл сургуулилалтаа хангаж байна. Монголын багийн ахлагчаар МОСХ-ын дэд ерөнхийлөгч С.Нацагдорж ажиллах бол, гүйлтийн цанын төрөлд дасгалжуулагчаар Л.Дорж, тамирчнаар МУБИС-ийн БТДС-ийн IV курсын оюутан Т.Доржготов, I курсын Ц.Жавхлантөгс, шорт-трекийн төрөлд дасгалжуулагчаар Б.Орнобиш, тамирчнаар МУБИС-ийн БТДС-ийн II курсын оюутнууд болох Э.Оюунмаа, Б.Азжаргал, Б.Базарсад нар оролцох юм. Гүйлтийн цанын төрөлд оролцох Т.Доржготов нь олон улсын тэмцээнүүдэд оролцож байсан манай туршлагатай тамирчдын нэг билээ.