Дирк Новицки эргэж ирлээ

Даллас Маверикс багийн гол тоглогч, Германы иргэн Дирк Новицки хагассайны орой Мемфис Гризлис багийн эсрэг талбайд гарлаа. Энэ зун 33 нас хүрэх довтлогч маань баруун өвдөгний гэмтэлийн улмаас багийнхаа сүүлийн 9 тоглолт өнжөөд байсан юм.

Энэхүү өнжсөн 9 тоглолт түүний кареерийн хамгийн олон тоглолт дараалж өнжсөн тохиолдол болж байгаа юм байна. Түүний эзгүй 9 тоглолтонд баг нь дөнгөж 2 хожсон нь түүнийг хэр зэрэг багтаа хэрэгтэй хүн болохыг батлаж байна.

Гэвч удаан хугацааны бэртэлээс эргэн ирсэн Новицки 14 минутанд 7 оноо, 5 самбар авч тоглолтын гуравдугаар үед шүүгчийн гаргасан шийдвэрийг эсэргүүцэж улмаар хоёр текникийн алдаагаар шагнуулж талбайг чөлөөлсөн байна. Мөн Даллас төвийн тоглогч Тойсон Чандлер өвчний улмаас тус тоглолтонд оролцоогүй бөгөөд Мемфис Гризлис 89:70 – аар нутагтаа хожил авч, Даллас тав дараалж ялагдлаа.

“Би хэзээ ч гурван долоо хоног гэмтэлтэй байж үзээгүй, миний бүх юм сайн байгаа, би гүйж чадаж байгаа, би ядраагүй, харин зүгээр л өвдөгөө 100% эдгээхийг зорьж байна” гэж Герман довтлогч сэтгүүлчдэд ярьжээ.

Далласын хувьд нийт авсан 70 оноо нь энэ улиралын хамгийн бага нь байлаа. Хоёрт орох амжилт нь 12 сарын 27нд Дирк – гүй эхлэсэн эхний тоглолт болох Торонто Репторсын эсрэг багаараа 76 оноо авч байжээ. Мөн Даллас багаараа 32% – тай шидсэн нь Мемфисийн хувьд энэ улиралын хамгийн бага хувьтай эсрэг багаа довтлуулсан тохиолдол болов.

Патрик Пэтэрсон эмнэлэгт хүргэгдэв

Хиюстон Рокетс багийн шинэ тоглогч, энэ жилийн драфтын нэгдүгээр бүсийн 14- өөр НБА – д элсэж байсан Патрик Пэтэрсон өчигдөр Атланта Хаукс багийн эсрэг тоглолтонд оролцож байхдаа цээж нь өвдсөнөөс болж тоглолтоо орхиж, эмнэлэгт хүргэгджээ. Пэтэрсэн уг нь тоглолтонд гурван минут тоглохдоо 6 оноо аваад байжээ. Яг одоогоор чухам яасан нь тодорхойгүй боловч, тийм ч хүнд бус бололтой.

Крис Бош, Трэйси Мкгрэйди гэмтэв

Өчигдөр болсон тоглолтуудаас алдарт Миами Хит баг Чикаго Буллс багт хожигдсоноор 3 дараалсан ялагдалаа амслаа. Леброн Жэймс Клипперсийн эсрэг тоглохдоо авсан шагайны бэртэлээс болоод хоёр дахь дараалсан тоглолтоо өнжиж байгаа бол өнөөдөр их гурвалын нэг болох Крис Бош мөн шагайндаа гэмтэл авчээ. Тоглолтын гуравдугаар үед гэмтэл авсанаас хойш тэрвээр дахин тоглолтонд оролцсонгүй, шууд шинжилгээний өрөө рүү явсан байна. Дөрөвдүгээр үед яг нэг жилийн өмнөх Миами Хит баг болон хувирч Дуэйн Уэйд ганцаараа зүтгэсэн ч шийдвэрлэх тэнцүүлэх боломжтой гурвын шидэлтээ алдсанаар гурав дараалж хожигдсон байна.

Тэгвэл Детройт Пистонс баг талбайдаа Сакрамето Кингс багийг хүлээн авч тоглоход эзэн багийн гарааны холбогчоор тоглож байсан Трэйси Мкгрэйди тоглолтын нэгдүгээр үед самбараас бөмбөг аваад буухдаа гэмтэл авч улмаар тоглолтонд эргэж орж ирсэнгүй. Гэмтэл нэг их хүнд биш гэсэн урьдчилсан дүгнэлт гарсан ч мань эр хаширлав бололтой.

Кевин Лоу бүх ододын тоглолтонд оролцох уу?

Миннисато Тимбэрвоулвес багийн гол довтлогч Кевин Лоу – г бүх одод оролцох магадлал маш өндөр байгаа гэнэ. Санал асуулгаар хангалттай их санал авч чадахгүй байгаа ч дасгалжуулагчдын саналаар, бүр болохгүй бол гэмтэлтэй Яао Мин – ий оронд орох байх гэсэн таамаглал дэвшүүлж байгаа гэнэ.

Тэрвээр багийнхаа энэ улиралын 41 тоглолт оролцож 21.2 оноо, 15.7 самбар, 2.4 оновчтой дамжуулалт өгч байгаа билээ. Мөн тэр ойрд үзэгдээгүй 30+30 амжилт үзүүлсэн юм. Гэвч түүнийг хойш татах магадлалтай ганц зүйл нь багийн амжилт юм.

Баруун бүсэд бүхий л шилдэг довтлогчид байгаа. Саналаар Дурант болон Кармело Энтони нар гарлаа гэхэд ард нь Лэйкерсийн По Газол, Клипперсийн Блэйк Гриффин, Далласын Дирк Новицки, Сан Антони-гын Тим Данкан зэргийн шилдэгүүд дасгалжуулагчдын толгойг эргүүлэх юм. Хэрвээ Яао Мин энэ байдлаар төвийн тоглогчоор гараанд сонгогдвол бүх ододын байтугай жирийн үед ч тоглох боломжгүй байгаа хүн өнжиж, харин бүх ододын тоглолтонд оролцсон гэсэн тоон үзүүлэлтээ нэгээр нэмэгдүүлээд өнгөрөх бөгөөд түүний оронд мөн өөр тоглогчыг урих юм.