Баянхонгор аймгийн шинэ дэвжээний бөхчүүд аймгийнхаа төвд бүх сумдын “Бөхийн баяр” зохион байгууллаа. “Бөхийн баяр”-ын нээлтэд зориулсан улс, аймгийн алдар цолтой хүчит 128 бөхийн барилдаан болоход Баянбулаг сумын харьяат аймгийн арслан Д.Энхбат түрүүлж, аймгийн харцага Б.Бат-Орших үзүүрлэжээ. Харин хаалтад зориулсан 96 бөхийн барилдаанд Баянбулаг сумын харьяат улсын харцага Д.Батболд түрүүлж, Бууцагаан сумын харьяат аймгийн арслан Ж.Чулуунбат үзүүрлэсэн байна. Сонирхуулахад аймгийн арслан Д.Энхбатын төрсөн ах нь улсын харцага Д.Батболд билээ.