Премьер лигийн 23-р тойргийн тоглолтууд өнгөрсөн амралтын өдрүүдэд явагдлаа. Лигийн хүснэгтийг тэргүүлж байсан Манчестер Юнайтед Тоттенхэмтэй хуурай тэнцэж ардаа явсан Ман Ситид боломж олголоо. Одоо Манчестерийн 2 баг адилхан 45 оноотой байгаа бөгөөд гоолын зөрүүгээр МанЮ тэргүүнд бичигдэж байгаа.

Сити  бямба гаригт хомоол хамагч Волвесийг 7 гоолтой тун өрсөлдөөнтэй тоглолтын эцэст буулган авсан. Хэсэгхэн хугацаанд ч гэсэн тэд лигийн хүснэгтийг тэргүүлээд амжсан.Карлос Тевес Волвесийн хаалганд оруулсан 2 гоолынхоо ачаар 14 гоолтой мэргэн буучдын жагсаалтыг Бербатовтой хамт тэргүүлж эхэлсэн. Мөн 27.7 сая фунтын үнэтэй Жеко дебут тоглолтоо хийсэн.

Арсенал Вест Хэмийн талбайд 3 : 0-ээр ялалт байгуулж Аврам Грантын халагдах замыг заслаа. Хэдийгээр Вест Хэмийн зүгээс албан ёсны мэдэгдэл хийгээгүй байгаа ч Израйль дасгалжуулагч ажлаа алдах нь бараг тодорхой болсон. Арсеналчууд энэ ялалтыг авснаар 3-р байранд бичигдсэн хэвээр үлдлээ.

Аваргын төлөө өрсөлдөж байх ёстой Челси дөнгөж 4-р байранд явна. 2 тойрог дараалан азгүйтсэний эцэст тэд Блекбернийг 2 : 0-ээр буулган авч чадлаа. Иванович, Анелка нар гоолыг хийсэн бөгөөд энэ ялалтынхаа ачаар Цэнхэрүүд аваргуудын лигийн эрх буюу 4-р луу урагшилсан. Тоттенхэм МанЮ-тай тэнцэж оноо алдсан учраас ирэх тойрог хүртэл тэд энэ байрандаа үлдэх боломжтой болж байна.

Ливерпуль Эвертоны тулаан мөн тэнцээгээр өндөрлөсөн.



1 сарын 16. Бирмингем. Стадион “Сент-Эндрюс”. Шүүгч- Марк Клаттенбург (Ньюкасл-апон-Тайн).

БИРМИНГЕМ – АСТОН ВИЛЛА – 1:1 (0:0)

Джонсон, 49 (1:0). Коллинз, 73 (1:1).

***

Премьер лигийн эрин эхэлснээс хойшхи 888 дахь тэнцээ.

1 сарын 15. Уиган. Стадион “DW Stadium”. Шүүгч- Энтони Тейлор (Манчестер).

УИГАН – ФУЛХЭМ – 1:1 (0:0)

Родальега, 57 (1:0). Жонсон, 85 (1:1).

***

1 сарын 15. Вест Бромвич. Стадион “Хауторнс”. Шүүгч- Стюарт Атвелл (Нунатон).

ВЕСТ БРОМВИЧ – БЛЭКПУЛ – 3:2 (1:1)

Воан, 11 (0:1). Одемвингие, 37 (1:1). Моррисон, 52 (2:1). Тейлор-Флетчер, 80 (2:2). Одемвингие, 87 (3:2).

***

1 сарын 15. Сток. Стадион “Британниа”. Шүүгч- Майкл Оливер (Нортумберленд).

СТОК СИТИ – БОЛТОН – 2:0 (1:0)

Хиггинботам, 37 (1:0). Этерингтон, 63-с пенальти (2:0).

***

1 сарын 16. Сандерленд. Стадион “Стадиум оф Лайт”. Шүүгч- Ховард Уэбб (Ротерхем).

САНДЕРЛЕНД – НЬЮКАСЛ – 1:1 (0:0)

Нолан, 52 (0:1). Гьян, 90+4 (1:1).

***

Премьер лигийн – Мэргэн буучид