Казахстаны Астана, Алма-Аты хотод энэ сарын 30-нд Азийн өвлийн спортын VII наадам эхэлнэ. “Шар тив”-ийн “өвлийн олимп”-ийн хамгийн сонирхолтой төрөл болох хоккейн тэмцээний сугалаа гарчээ. Эрэгтэйчүүдийн ангилалд нийт 14 баг оролцохоо мэдүүлснээс Азийн олимпийн зөвлөлийн шийдвэрийн дагуу Казахстан, Япон, БНСУ, БНХАУ, Тайвань гэсэн тэргүүлэх таван улс “Топ” хэсэгт өрсөлдөнө. Харин дэд хэсэгт өрсөлдөх есөн баг гурван хэсэгт хуваагджээ. “А”-д АНЭУ, Энэтхэг, Катар, “В”-д Тайланд, Кувейт, Киргызстан, “С”-д Малайз, Монгол, Бахрайны баг орсон байна. Манай шигшээ баг нэгдүгээр сарын 29-нд 15:30-д Бахрайнтай, 31-нд 22:30-д Малайзтай тоглох юм.