Монголын Хөлбөмбөгийн Холбоо 2011 оныг амжилт бүтээлээр дүүрэн эхэлж байгаа билээ. Он гараад тус Холбооны Ерөнхийлөгч Б.Ганболд Азийн Хөлбөмбөгийн Холбооны Гүйцэтгэх хорооны гишүүнээр сонгогдсон явдал нь тус Холбооны хийж байгаа ажлыг дүгнэсэн, ирээдүйд хийх ажилд урам зориг өгсөн сайхан үйл явдал болсон билээ. Шинэ он гарахаас өмнө шинэхэн томилогдсон Удирдах Зөвлөл хуралдан 2011 онд хийгдэх гол 10 ажлаа зорилт болгон дэвшүүлж, уралдаан, тэмцээний хуваарь болон төсвийг баталсан юм. Энэхүү төлөвлөгөөний дагуу 2011 оны улирлын эхний тэмцээн Өвөрхангай аймгийн Арвайхээр хотноо Залуучуудын Улсын Аварга Шалгаруулах Заалны Хөлбөмбөгийн тэмцээнээр эхэллээ.

Өвөрхангай аймагт хөлбөмбөгийн хөгжлийн эхлэлийг тавих, хөлбөмбөгийн салбар зөвлөлийг байгуулах, орон нутагт хөлбөмбөгийн спортыг сурталчлах зорилгоор зохиогдож байгаа энэхүү тэмцээний нээлтийн ажиллагаанд Өвөрхангай аймгийн Иргэдийн Төлөөлөгчдийн Хурлын дарга И.Доржсүрэн, Аймгийн Засаг Дарга Тогтохсүрэн, Аймгийн БТСГ-ын дарга Очирбаатар нарын хүндэт зочид оролцсон байна. Тэмцээнд нийт 10 багийн 120 тамирчин оролцож байгаа бөгөөд энэхүү тэмцээнд орон нутгийн баг анх удаагаа шигшээ багаа байгуулан оролцож байгаа нь орон нутгийн талархлыг хүлээсэн сайхан үйл явдал болж байна.

Хоёр хэсэгт хуваагдан тойргоор тоглож байгаа энэхүү тэмцээний эхний өдрийн тоглолууд:

1.      Сэлэнгэ Пресс-Хангарьд 6:6

2.      Хасын Хүлэгүүд-Эрчим 6:4

3.      Улаанбаатар ДС-Өвөрхангай 15:5

4.      Хараацай-Хад 8:9

5.      Хангарьд-Хасын Хүлэгүүд 6:7

6.      Эрчим-Мазаалай 6:5

7.      Өвөрхангай-Хараацай 3:12

8.      Хад-Хоромхон 4:20 харьцаатайгаар тус тус өндөрлөсөн байна.

Анх удаагаа оролцож байгаа Өвөрхангай аймгийн Залуучуудын футзалын шигшээ баг

Хоёр дахь өдрийн тоглолтуудын дүнг хүргэвэл:

Тэмцээний үлдсэн өдрийн хуваарь:

Тэмцээний нийт шагналын сан 2 сая 600 мянган төгрөг бөгөөд энэ сарын 20-ны өдөр дүнгээ гаргах юм.