2011 оны Залуучуудын футзалын улсын аварга шалгаруулах тэмцээн 2011 оны 1-р сарын 17-20-ны өдрүүдийн хооронд Өвөрхангай аймгийн шинэ Спортын Цогцолборт амжилттай явагдаж өндөрлөсөн.  Энэ удаагийн тэмцээнд нийт 10 багийн 120 тамирчид  4 өдрийн турш ур чадвар авхаалж самбаагаар өрсөлдөж аваргуудаа тодрууллаа.

4 өдрийн турш нийт 24 тоглолтонд 322 гоол орсон байна. Тэмцээний үеэр шүүгч нар нийт 5 улаан, 59 шар карт өгсөн.

Мөн МХБХ-ны Өвөрхангай аймгийн салбар зөвлөлд МХБХ-ноос 10 бөмбөг, Их Талын Дуулиан ТББ-аас 10 бөмбөг бэлэглэсэн байна.

Хаалтын ажиллагааны үеэр МХБХ-ны Ерөнхий Нарийн Бичгийн дарга Д.Тэрбаатар, Техникийн Хорооны захирал И.Отгонбаяр, Өвөрхангай аймгийн  ИТХ-ын дарга И.Доржсүрэн, БТСГ-ын ахлах мэргэжилтэн Б.Энхтөр, Өвөрхангай аймгийн ХасБанкны захирал н.Болормаа, МХБХ-ны Өвөрхангай аймгийн салбар зөвлөлийн тэргүүлэгчид болох н.Мөнхбаатар, Д.Амартүвшин, н.Цогхүү,  Л.Манлайбадрах, н.Пүрэвдорж, н.Ганхуяг нар оролцож шагнал гардууллаа.

Шагналт байранд шалгарсан багууд:

2011 оны ФЗУАШТ-ний алтан медалийг Б.Мөнгөнтулга дасгалжуулагчтай “Хасын Хүлэгүүд” баг

2011 оны ФЗУАШТ-ний мөнгөн медалийг Б.Гансүх  дасгалжуулагчтай “Хоромхон” баг

2011 оны ФЗУАШТ-ний хүрэл медалийг Б.Чин-Оргил  дасгалжуулагчтай, Д.Ням-Очир туслах дасгалжуулагтай Сэлэнгэ Пресс баг

Шилдэг тоглогчид:

ФЗУАШТ-ний шилдэг хаалгачаар “Хасын хүлэгүүд ” багийн тамирчин Б. Батмагнай шалгарсан.

ФЗУАШТ-ний шилдэг довтлогчоор “Хоромхон” багийн тамирчин Х.Амгалан нийт 17 гоолтой шалгарсан.

ФЗУАШТ-ний шилдэгийн шилдэг тамирчнаар “Сэлэнгэ Пресс” багийн тамирчин Б.Мөнхбаяр шалгарсан.

2011 оны ФЗУАШТ-ний бэлгэдлийн шигшээ баг:

1.      Хаалгач: Б.Батмагнай /Хасын Хүлэгүүд/

2.      Хамгаалагч: Б.Мөнхбаяр /Сэлэнгэ Пресс/

3.      Хамгаалагч: Г.Билгүүн /Эрчим/

4.      Довтлогч: Х.Амгалан /Хоромхон/

5.      Довтлогч: Г.Батцэнгэл /УБДС/

Хасын Хүлэгүүд аварга боллоо, 9.8 out of 10 based on 5 ratings