Казахстаны Астана, Алма-Ата хотод энэ сарын 30-наас хоёрдугаар сарын 6-ныг хүртэлх хугацаанд Азийн өвлийн спортын VII болох билээ. “Шар тив”-ийн “Цагаан олимп”-д монголчуудын ихээхэн найдлага тавьж буй спортын төрөл бол бэнди буюу бөмбөгтэй хоккей. Энэ бүс нутгийн багуудаас Казахстан, Монголын баг л жил бүр ДАШТ-д оролцдог болохоор тэр. Алма-Ата хотын “Медео” талбайд болох бэндигийн тэмцээн оноолт гарчээ. Азийн наадамд Казахстан, Киргызстан, Монгол, Тажикистан гэсэн дөрвөн баг өрсөлдөх болсон. Баг бүр нэг тойрог өрсөлдсөний эцэст плей-оффт 1-4, 2-3 гэсэн оноолтоор таарч, хасагдах системээр тоглосоор медалийн эзэд тодрох аж. Киргызстан, Тажикистанд бөмбөгтэй хоккей өндөр түвшинд хөгжөөгүй тул манайханд медалийн бараа харагдаад байгаа юм. Тоглолтын хуваарийг Улаанбаатарын цагаар хүргэе.

Тойргийн тоглолт:

2011.02.01 12:00 Казахстан -Тажикистан
2011.02.01 14:30 Киргызстан -Монгол
2011.02.02 12:00 Тажикистан -Монгол
2011.02.02 14:30 Казахстан -Киргызстан
2011.02.03 12:00 Тажикистан -Киргызстан
2011.02.03 14:30 Монгол -Казахстан

Хагас шигшээ:

2011.02.05 12:00 2 -3
2011.02.05 14:30 1 -4

Хүрэл медаль:

2011.02.06 12:00 Ялагдагч 2-3 -Ялагдагч 1-4

Шигшээ тоглолт:

2011.02.06 15:00 Ялагч 2-3 -Ялагч 1-4