Энэ онд хоёр томоохон тэмцээний урьдчилсан тоглолтод өрсөлдөх Монголын Улсын хөлбөмбөгийн шигшээ багийн тоглогчид анхны шигшээ багийн тамирчидтай уулзалт хийлээ. Уулзалтанд 50-иад жилийн өмнөх багийн гишүүн,  хөлбөмбөгийн спортын анхны мастерууд болох Л.Сандагдорж, Б.Рэндоо, М.Пүрэвжал, Ц.Бадрах нар уригдан оролцож, хойч үеийнхэндээ шигшээ багийн үүсэл мөн анхны тоглолтуудын талаар олон сонирхолтой түүхээс хуучлав. Түүнчлэн сонирхсон асуултуудад хариулж хагас зуун жилийн өмнөх дурсамжаа сэдрэжж, залууст амжилт хүслээ.