Ким Клистерс Австралийн нээлттэй тэмцээний эмэгэйчүүдийн ганцаарчилсан төрөлд түрүүллээ. Чансааны 3-рт эрэмбэлэгдэж байгаа Бельги бүсгүй Хятадын На Лиг 3 сетэд 3-6 6-3 6-3-аар буулган авчээ. Хэрвээ На Ли түрүүлсэн бол Их Дуулгын түрүүтэй анхны Нанхиад теннисчин болох байсан юм. Клистерс ийнхүү ганцаарчилсан төрлөөр 4 дэх удаагаа Их дуулгад түрүүлж байна. Түүний бусад 3 түрүү нь бүгд Америкийн нээлттэй тэмцээнд харьяалагддаг.

На Ла Их Дуулгын финалд шалгарсан нь энэ жилийн аваргын төлөөх тоглолтын үзэгчидийг өмнөхөөс хэд дахин өсгөсөн. Зөвхөн Хятадад л гэхэд 330 сая айл энэ тоглолтыг үзэх бололцоотой байсан гэж үзвэл дээрхи тулаан теннисний түүхэнд хамгийн олон хүн үзсэн тулаанаар нэрлэгдэж болох юм. Эхний сетэд Ким таршлага зааж эйс хийх зэргээр өрсөлдөгчөө илүүрхэж байлаа. Эхний 2 геймийг Ким авсны дараа Хятад бүсгүйн тоглолт орж хариу цохилтуудыг хийж эхэлсэн. Кимийн удаа дараалсан хойд гарын алдаа түүнд оноог нөхөх боломж олгосон бөгөөд 3 гейм дараалан авч 3-2-оор тэргүүлж эхэллээ. Энэ үедээ тэр хоёр ч брик-пойнт хамгаалсан. Ингээд эхний сетэд На Ли хэмнэлээ алдалгүй тоглосоор 6 : 3-аар ялалт байгуулсан.

Харин 2 дахь сет огт өөр дүр зурагтай өрнөж эхнээсээ Клистерсийн давамайллаар үргэлжилж байлаа. Эх орондоо анх удаа Их Дуулгын цом авчрахаар тоглож байсан На Лид багагүй дарамт шахалт байсан. Тиймээс ч том финалын  туршлага түүн дутаж Клистерсийн тоглолтын хэмнэлд автагдаж эхэллээ. 2 дахь сетийг Ким 6-3-аар авсан бол 3 дахь үед ч итгэлтэй довтолсоор мөн 6-3-аар ялж Их Дуулгын цомоо нэгээр нэмлээ.  Сүүлийн сетэд На лЛи бүрэн утгаараа тоглолтоос гарч тун олон хэрэггүй алдаа хийсэн. Энэ нь ч хурдан ялагдахад нөлөөлсөн юм.

Ялалтынхаа дараа Ким “Одоо та бүхэн намайг Аусси Ким гэж дуудаж болохоор боллоо. Яагаад гэвэл цомыг авч чадлаа” хэмээсэн. Мөн “Миний нагац ах хамгийн үзэмжгүй ногоон өмдтэйгөө намайг дэмжихээр ирсэн байсан. Энэ надад аз авчирсан гэж бодож байна. Учир нь би бага зэргийн мухар сүсэгтэй хүн л дээ.

На Литэй би өмнө нь олон удаа тоглож байсан. Тэр яах аргагүй сайн өрсөлдөгч. Түүний дараа дараагийн тэмцээнд амжилт ялалтыг хүсье. Чи энэ тэмцээнд гайхалтай байлаа” гэжээ.