Өнгөрсөн зун хэд хэдэн чухал тоглогчоо үдсэн хэрнээ шинээр тоглогч аваагүйнхээ горыг “Челси” сүүлийн хоёр сард хангалттай амссан. Багийн эзэн Роман Абрамович “Челси”-гийн бүтэлгүйтэлд цэг тавихаар хатуу шийдэж, өвлийн наймааны цонх хаагдахаас хэдхэн цагийн өмнө Торрес болон Давид Луисийг багтаа авлаа. Торресын тухай өмнө нь бичсэн тул Давид Луисийг дурьдая. Бразилын шигшээд тоглох болсон төвийн хамгаалагч Давид Луис “Челси”-гийн хамгийн асуудалтай байрлалыг найдвартай болгох үүрэг хүлээжээ. Түүнийг Португалын “Бенфика”-гаас 21 сая паунд болон Неманья Матичийг нэмж өгөн авахаар тохирсон тухай Portogaol.net мэдээллээ.