Өвлийн наймааны цонх хаагдахад  хоёр цаг гаруй хугацаа үлдлээ. Торрес, Кэрроллийн дуулиантай наймааны сүүдэрт дарагдан, олны анхаарлаас гадна үлдсэн хэд хэдэн наймаа сүүлийн өдөр болж байна. “Манчестер Юнайтед”-ын хамгаалагч Рио Фердинанд болоод буй үйл явдлыг “Их Британийн хөлбөмбөгийн зах зээл галзуурчээ” хэмээн дүгнэжээ.

АНУ-ын шигшээгийн тоглогч Майкл Брэдли Менхенгладбахын “Борусси”-гаас “Астон Вилла”-д зээлээр ирлээ. Японы хамгаалагч Юто Нагамото “Чезена”-гаас “Интер”-т зээлээр очсон бол “Интер”-ийн Давид Сантон “Чезена”-д зээлээр тоглох болжээ.

Ирландын хөлбөмбөгч Энди Рейд “Сандерленд”-ээс “Блэкпул”-д очлоо.  Харин “Ньюкасл” “Астон Вилла”-гийн хагас хамгаалагч Стивен Айрлендийг улирал дуустал зээлээр авсан байна. Мөн Оросын “”Зенит”-ийн белорусь довтлогч Сергей Корниленко “Блэкпул”-д иржээ. “Ливерпуль” “Манчестер Сити”-гийн хамгаалагч Майк Ричардсыг 20 сая паундаар авах гээд татзалсан хариулт сонслоо.