Ирэх даваа гариг буюу 2 сарын 7-ны өглөө Америкчуудын хамгийн том баярт тооцогддог Супер Боулын аварга шалгаруулах тэмцээн явагдана.

Техасын Арлингтон хотын “Cowboys” цэнгэлдэхэд 45 дахь удаагийн Супер боулын  аваргын төлөө AFC-ийн аварга алдарт Питтсбург Стилерс, NFC-ийн аварга  Грин Бэй Пэкерз багууд   өрсөлдөхөөр тунан үлдээд байгаа.

Супер Боулын 6 цомоороо хамгийн олон түрүүлсэн багаар нэрлэгддэг Стилерс өнөө жил 8 дахь удаагаа шигшээ тоглолтод шалгаран үлдээд байгаа бол Пэкерзийн 5 дахь финал.

Энэ жил Кристина  Агилера АНУ-н төрийн дууллыг дуулах нэр хүндтэй үүргийг хүлээсэн бол завсарлагаанаар Black Eyed Peas үзэгчидыг хөгжөөнө. Супер Боулын шууд нэвтрүүлгийн үеэр цацагдах рекламны үнэ олны анхаарлыг татдаг. Энэ жилийн хувьд өмнөхтэй адил 30 секунд нь 3 сая ам.доллар байх юм.

Дэлхийн спортын онцлох үйл явдлуудын нэг Супер Боулын гал гарсан тулааныг  3 дахь жилдээ Irish Pub, , www.sportnews.mn онлайн сэтгүүл, МССХ хамтран шууд дамжуулан үзүүлэх гэж байна. 2 сарын 7-ны өглөөний 7.00 цагаас Grand Khan Irish Pub-д уулзацгаая.