Одоогоор Францын нийслэл Парис хотноо жудо бөхийн дэлхийн цомын ээлжит тэмцээн болж байгаа билээ. Энэхүү тэмцээний эхний өдрийн барилдаанд амжилттай болж өнгөрлөө. Дэлхийн 80 орны 309 эрэгтэй, 207 эмэгтэй жудоч хүч үзэж байгаа энэ том тэмцээний эхний өдөр эрэгтэй 60, 66, 73 болон эмэгтэй 48, 52, 57, 63 кг жингийн тамирчид медалын төлөө өрсөлдлөө.

Манай улсын хувьд 9 эрэгтэй, 5 эмэгтэй жудочын багтай энэхүү тэмцээнийг зорьсон байна.

Эрэгтэй 60 кг

Ганбатын Болдбаатар А хэсэгт багтаж эхний тойрогтоо хийлж, хоёрын даваанд Японы Тору Шишимэ -г барсангүй. Энэхүү Япон бөх хэсгийн аваргын төлөө Узбекстаны Ришод Собиров -ыг дийлээгүй байна. Узбек бөх энэ жинд аваргалж Японы Тору Шишимэ

Эрэгтэй 66 кг

Энэ жинд манай хоёр шилдэг жудоч А ба Б хэсэг тэргүүлж барилдлаа. Дэлхийн аварга Хашбаатарын Цагаанбаатар маань эхний тойрогт хийлж улмаар хоёрын даваанд Итали эр Франческо Фаралдо -г ялж гуравт Узбекстаны Норковилов Өлигбек – г хоёр вазари үнэлгээгээр ялсан ч хэсгийн аваргын төлөө эзэн орны бөх Давид Ларосу -д ялагдаж шагналт тавдугаар байр эзэллээ.

Б хэсэг тэргүүлсэн Санжаасүрэнгийн Мяарагчаа эхний тойрогт хийлж хоёрын даваанд Болгарын бөх Мартин Иванов -ыг иппоноор илүүрхэж, гуравт Латви бөх Дениса Козловс – ыг ёко үнэлгээгээр ялсан байна. Харин хэсгийн аваргын төлөө Японы бөх Жунпэй Моришита -д ялагдаж шагналт тавдугаар байр эзэллээ.

Энэ жинд манай бөхийг ялсан Япон бөх Жунпэй Моришита тэргүүлжээ.

Эрэгтэй 73 кг

Тус жинд Монголоос ОУХМ Сайнжаргалын Ням-Очир зодоглож С хэсэгт багтаж эхний тойрогт Австри улсын бөх Петер Шарингер -ыг вазари үнэлгээгээр ялалт авчээ. Гэвч дараагын тойрогт Америкийн бөх Ничолас Делпополо -д ялагдсан байна.

Эмэгтэй 48 кг

Эмэгтэйчүүдээс хамгийн хөнгөн жинд Мөнхбатын Уранцэцэг С хэсэгт багтаж эхний тойрогтоо Израйлын эмэгтэй жудочыг баралгүй тэмцээнээ дуусгажээ.

Эмэгтэй 52 кг

Дэлхийн аваргын хүрэл медалт манай жудоч Мөнхбаатарын Бундмаа Б хэсгээ тэргүүлж урамтай сайхан барилдлаа. Эхний тойрогтоо хийлж Итали эмэгтэй Росалба Форсинити -г 1.9 минут үлдээд байхад иппоноор буулгаж, дараагын даваанд Финландын Жаана Сандберг -ийг вазари, ёко, тэгээд иппон үнэлгээ дараалж авч илт илүүрхсэн байна. Улмаар хэсгийн аваргын төлөө эзэн орны эмэгтэй Пенелоп Бонна -г иппоноор буулгана авч чухал ялалт байгуулсан. Улмаар А хэсгээс Японы бөх Мисато Накамура -г ялж гарч ирсэн эзэн орны өөр нэг эмэгтэй жудоч Жнето Приссила -г ялж алтан медалын төлөө Алжирын эмэгтэй Хаддад Сорьяа- г иппон буулган дэлхийн цомын эзэн боллоо. Гайхалтай байлаа, баяр хүргэе.

Эмэгтэй 57 кг

Энэ жинд 33 жудоч хүч үзсэнээс манай тамирчин Түмэн-Одын Баттөгс Д хэсэгт багтаж эхний тойрогт хийлж улмаар дараагын тойрогтоо Туркын Назликан Озерлер -т иппоноор ялагдаж тэмцээнээ дуусгажээ.

Ийнхүү эхний өдөр Монголчууд маань багаараа нэг алт хоёр шагналт байртай боллоо. Маргааш эрэгтэй 81 кг жинд Отгонбаатарын Ууганбаатар, эрэгтэй 90 кг жинд Монгол улсын начин Эрдэнбилгийн Энхбат, эрэгтэй 100 кг жинд Баттулгын Тэмүүлэн болон Олимпын аварга Найдангын Түвшинбаяр, +100 кг жинд Баярсайханы Төгөлдөр, эмэгтэй 78 кг жинд Пүрэвжаргалын Лхамдэгд нар оролцох юм байна.