Английн “Вест Бромвич” ахлах дасгалжуулагч Роберто Ди Маттеог ажлаас нь халлаа. Сүүлийн 18 тоглолтын 13-т нь “Вест Бромвич” хожигдож, жагсаалтын 16 дугаар байрт бичигдэх болсон нь багийн эздийн тэвчээрийг барсан бололтой.

“Энэ шийдвэрийг гаргах амаргүй байлаа. Гэхдээ ийм алхам хийж байж л багаа Премьер лигт авч үлдэх магадлалтай гэж тооцсон. Гурван сарын турш баг маань бүтэлгүйтлээ. Энэ янзаараа үргэлжилвэл бид доод лигт унах нь гарцаагүй болно. Тиймээс өөрчлөлт хэрэгтэй” гэж багийн ерөнхийлөгч Жереми Пирс мэдэгджээ.

“Вест Бромвич” дасгалжуулагчдыг бээлий шигээ сольдог багш биш. Сүүлийн 11 жилийн хугацаанд ердөө дөрвөн дасгалжуулагчтай ажилласан нь үүнийг илтгэнэ. Премьер лигээс хасагдах бодит аюул нүүрлэсэн тул Италийн тун тайван төрхтэй Роберто Ди Маттеог халахаас аргагүйд хүрчээ.