Мэргэжлийн сумогийн холбоо түүхэндээ таарч байгаагүй хүнд асуудалтай тулгарч, шившгээ хутгаж байхад макүүчи зиндааны хамгийн намхан бөх Тойоношима хувийн амьдралаа амжуулж явна. 27 настай, 170 см өндөртэй Тойоношима Японы эстрадын од Сунахо Такэучитай хоёрдугаар сарын 5-нд гэрлэжээ.

Тэд өнгөрсөн оны тавдугаар сард найзынхаа төрсөн өдрөөр танилцсан бөгөөд үүнээс зургаан сарын дараа найзалж эхэлжээ. Сунахо Тойоношимаг арваннэгдүгээр сарын башёд арваас дээш ялбал найзлах болзол тавьсныг тэрээр амжилттай биелүүлсэн юм. Тус башёд Хакухотой Тойоношима барилдахад Сунахо сумогийн ордонд хайртай залуугаа дэмжиж байжээ. Хурим зургадугаар сард болох бөгөөд Сунахо Тойоншимагаас 100 кг хөнгөн ч хоёр см өндөр гэнэ.